財記美食 (已結業)

之前见到新开张，但未试过，所以就入去试试。夜晚入去点了两款小菜，分别系西柠鸡同榨菜蒸牛肉。先讲过西柠鸡，啲汁较稀，好似水咁(同平时其他地方食到嘅唔同)，而且啲鸡亦唔脆，个炸皮都淋晒，呢款菜唔系好得。另外到榨菜蒸牛肉，食落去啲牛肉几浓味，吸咗啲榨菜味，几香。见到佢餐牌都仲有其他小菜，可以考虑再帮衬。至于到早餐，都系平时𠮶啲沙嗲牛肉面，但啲牛肉反而无味，而且个面较淋，同埋啲汤好似热水咁无味，再加上沙嗲牛肉啲汁又唔多，变得成碗面都好淡。整体嚟讲晚餐小菜都可以再试，而早餐就麻麻地。