樂天冰室 (幸運工業大廈)

营业中

休息中

之前喺呢间餐厅食几次都系小菜(因为佢啲小菜真系唔错)，今次嚟到转一转口味，点了个常餐同特餐。先讲一讲个常餐：牛腩牛尾汤螺丝粉、火腿炒蛋、蒜蓉多士。个螺丝粉食落去酸中带甜，个味道几特别，同埋都几多牛腩，不过煮得比较淋，如果有啲咬口会好啲。然后到个火腿炒蛋，火腿唔洗讲啦，无咩特别，至于个炒蛋食落几滑，唔错。然后到个特餐：沙嗲牛肉面、火腿炒蛋、蒜蓉多士。啲牛肉食落去正常，不过可以多啲汁，同埋再浓味啲会好啲。但系啲面反而麻麻地，我觉得佢应该唔系大光面(估错唔好闹)，食落口只味麻麻，同埋面身偏淋，同埋有啲粉，如果系其他面会好啲。两个餐最值得讲嘅系块蒜蓉多士，多士仲脆口，同埋都仲暖，而且蒜蓉都几多，食落口系唔错。