利寶閣 (已結業)

今晚同咗两位朋友去聚旧，太耐无见想揾个地方坐低倾吓是非，所以就拣咗佢家附近嘅小菜放题嚟食。当晚星期五，每人只需$298就有五十五款小菜任叫，都算抵食，最正系小菜点心系以每件、每只、每位嘅份量嚟落单，好容易掌控到份量，钟意食几多就落几多，唔惊做成浪费。每位会有花胶响螺鸡汤、鲍鱼花菇、奄仔蟹。个汤味香，饮得出落足料煲。鲍鱼弹牙，花菇炆得入味。奄仔蟹有得拣清蒸、鸡油花雕蒸、油盐焗。点心款式太多，等我拣几款嚟讲。首先出面自助区系有片皮鸭拎，一定唔可以错过，不过个皮偏厚，影响口感。脆皮炸虾饺 呢个做法我同朋友都系第一次食，平时食虾饺一定要即刻食，一放耐咗个皮就会唔好食，同埋皮太厚就会口感变得差，炸虾饺就完全无呢个问题，个皮脆口，而且有炸蒜调味，虾又好大只，真系会食完又食。蜜汁豚肉叉烧 半肥瘦，食落一啲都唔柴，蜜汁恰到好处唔会太盖过肉香。脆皮烧腩仔 一口size，真系做到皮脆肉嫩，真系要试吓。石岐烧乳鸽 呢到连乳鸽都有得任食啊，钟意食嘅唔好错过，不过当晚无畀椒盐同酱我哋，食落偏淡味。呢到仲有甜品叫，有啲比较特别：棉花云十胜红豆冰、十胜红豆脆麻花雪糕，记得留肚食。自助区仲有拔丝拎，当晚我都食唔少。需