龍德樓 (已結業)

又到煲仔饭季节🍁❄️试试呢间可以外卖煲仔饭嘅中菜馆。虽然地址系何文田，其实好近旺角㗎。🍚虾干排骨饭 $88虾干嘅香味渗晒落白饭，排骨又够腍。饭粒分明，酱油唔多，但猪油香好重，一样好味。🐟鲍鱼花胶尚品煲 $148用料矜贵，除咗鲍鱼、花胶、金蚝，亦有虾球、鲜鱿。鲍鱼弹牙够鲜味。芡汁以蚝油味为主，唔太浓可以突出食材鲜味。🦐黄金虾球 $92薄薄嘅面衣带有咸蛋黄嘅咸香，并且炸得香脆。咸蛋味道唔算重，虾球嘅鲜味反而更突出。🥣五指毛桃炖鸡 $48汤水有淡淡五指毛桃同淮山嘅香气，饮落去反而系鸡肉鲜味较重。🥣杏汁菜胆炖白肺 $48杏汁味道香浓，洗得雪白嘅猪肺一啲腥味都冇。