廿七窩 (已結業)

老同事介绍去食廿七窝，位于大角咀。有鸡煲、打边炉、小菜、海鲜，可能疫情关系，东主唔想keep咁多食材，未必每样海鲜都齐。如要食海鲜，入座后，落柯打时，要先预早半小时前预订。整年冇见，当然要啤啤佢，最爱Blue girl with Edan☺️。酸菜鱼：以前食酸菜鱼都系鱼肉梅、散。今次呢个就唔同啦，鱼肉爽口弹牙，好似条鱼有做运动，鱼肉烟韧，好有弹性，鱼肉又多。酸菜鱼味道恰到好处。我个人认为冇得输，。凉瓜炒猪颈肉：个老板拣啲食材都几好㖞，苦瓜唔苦只系觉得甘甘地，连唔食苦瓜啲同事都觉得好味，猪颈肉多，体嚟讲炒得唔错。冻食鱿鱼筒：原只鱿鱼筒用咗泰国酱汁，肉质爽口，配埋啲油麦菜嘅根茎够晒清凉。。炒蚬：大大只蚬，都算多肉，有粉丝，好鲜味。其他有酥炸鲍鱼、火焰猪手、蜜桃古老肉、丝腐乳通菜和蒜蓉虾开边、炒面。味道都唔错,大大碟。只系位置麻麻地，其实菜式都几好食。