廿七窩 (已結業)

雖然廚房出品還可以，水吧真心唔得，叫凍奶茶同凍檸茶好似水一樣。我唔期望好高質，但係一杯正常嘅奶茶都做唔到，有點兒可惜。雖然見到佢哋成日派飯比老人家，但係如果要持續做落去，請改善質素

今日嚟咗廿七窩食午餐，記得以前呢個位係漁小館黎既。呢間廿七窩個餐牌同以前漁小館好類似，係多咗啲特價嘅午餐。今日叫咗個特價午餐，係霸王雞飯餐，係$48，那熱飲仲要同價，價錢幾抵。霸王雞嘅份量都算幾多，好似多過普通例牌嘅份量，佢加咗啲蔥辣椒同埋豉油，都幾送到飯，係啲雞略嫌少少鞋，我諗係雞胸肉多，如果有啲雞上髀會好食啲。叫咗杯凍檸茶少甜，茶味都幾濃，唔會太澀，檸檬都有四塊，幾好飲。總括嚟講，$48一餐，性價比好高。

想來次港式火鍋在附近找到了廿七窩湯底可選雞煲或羊腩我們選了簡單的芫茜皮蛋（$58）港式火鍋最想吃到的是手切牛肉（$228）二人點了一碟小的精選牛肉質嫩也有牛肉味菜的選擇不少，點了時令豆苗（$58）份量意外的多，可能有1斤多吧，滿足最開心是有炸芋頭（$28）拍相片時已吃了一點因為預先炸了，心還是熱的隨便浸一浸便可以吃還有其他蔬菜🥬，大多挺大份如果人多可以試多點食材丸方面試了牛根丸不錯芝士牛丸則不太特別（雙併$88）點了即炸響鈴但漏了單不過因為太飽沒有追😶整體算是抵食（另收醬料費$15/位及加一）但兩人可以試的太少有點可惜如果人多可以試試另外見到人小菜吃豉汁白鱔好似好好味下次也來試試小菜

趁住凍凍地同班friend去打邊爐，見呢間新開，一於試吓佢，讚即刻要寫食評，打邊爐之前一定會叫小食，炸大腸，黃金魚皮好惹味，跟住老闆好介紹既醃蒜頭🧄味道好好，質地爽脆第度搵唔到，老闆話食完佢就唔會有肚痛，其實蒜頭功效真係好多。牛肉叫左"腩包"，即係牛腩包住既部位，肉味濃有咬口唔會鞋而且份量足。鮮雞子好大粒，鵝腸靚，呢啲嘢唔係度度都搵到咁靚！自家製菜餃豐滿新鮮，已經掛住食冇再影相，總之樣樣都好味，絶對食得出對食物製作既誠意！一定會再嚟幫襯，已經諗住下次要試雞煲/羊腩煲同酸菜魚...真係要搵多幾個人先可以試得哂

我食神自問食好嘢食到大，估唔到今次終於遇到一間隱世超水準餐廳！ 一入到餐廳見到張張枱都坐滿人，心諗未夠八點就已經咁好生意，睇嚟都未必有得食，好在職員面來笑容幫手搵位同招呼客人，今時今日咁嘅服務態度簡直一流。 嚟到呢度自然要食撚手菜喇，問吓其中一個鬼鬼地成個碧咸咁靚仔嘅老闆有咩好介紹，佢就因應返我地嘅口味同要求去介紹，老闆咁體貼，我地自然就交俾佢發板。 先嚟香口嘅伴酒小食（黃金炸魚皮，炸雞粒同炸魷魚圈），一食落口就覺得香脆可口，再飲啖啤酒隨即提高食慾。 再嚟豉油皇中蝦，每一隻蝦都非常入味，外脆內爽，好食到連蝦頭都食埋。至於豉汁蒸鱔，色、香、味俱全，魚肉又鮮又爽口。 而霸皇雞一上枱就已經覺得好有氣派，一入口更加驚為天人！雞居然有雞味，仲要同時食到鮮味，本食神已經有好多年未食過又入味又帶鮮嘅雞，值得表揚。 最後嘅炸豬手亦無得彈，皮脆而肉嫩，擺盤一流加上用一朵花去襯托。既係美食又同時係藝術品。 一餐飯居然有味覺同視覺嘅一流感受，真係不枉此行！

老同事介紹去食廿七窩，位於大角咀。有雞煲、打邊爐、小菜、海鮮，可能疫情關係，東主唔想keep咁多食材，未必每樣海鮮都齊。如要食海鮮，入座後，落柯打時，要先預早半小時前預訂。整年冇見，當然要啤啤佢，最愛Blue girl with Edan☺️。酸菜魚：以前食酸菜魚都係魚肉梅、散。今次呢個就唔同啦，魚肉爽口彈牙，好似條魚有做運動，魚肉煙韌，好有彈性，魚肉又多。酸菜魚味道恰到好處。我個人認為冇得輸，。涼瓜炒豬頸肉：個老闆揀啲食材都幾好喎，苦瓜唔苦只係覺得甘甘地，連唔食苦瓜啲同事都覺得好味，豬頸肉多，體嚟講炒得唔錯。凍食魷魚筒：原隻魷魚筒用咗泰國醬汁，肉質爽口，配埋啲油麥菜嘅根莖夠曬清涼。。炒蜆：大大隻蜆，都算多肉，有粉絲，好鮮味。其他有酥炸鮑魚、火焰豬手、蜜桃古老肉、絲腐乳通菜和蒜蓉蝦開邊、炒麵。味道都唔錯,大大碟。只係位置麻麻地，其實菜式都幾好食。

今年入冬， 去試新嘢。 朋友建議再去廿七窩， 不過唔係食🔥🥘火鍋， 而係主攻羊🐏腩煲，🐏唔肥炆得入味，仲送大大碟生菜😋，我還食了田雞🐸煲，🔥候剛剛好，田雞滑和料頭十足，好夠鑊氣， 啱曬🐸雞控🥳！最後食埋招牌籠仔石斑飯！🉐️

今個星期已去了幾次了食物質素越嚟越好,食物嘅層次感又一再升華了,樓面多了人客有啲舖頭質素會下降,但係每一次去仍然好有溫馨及家的感覺,食物keep住,同事朋友也帶了好幾次去每一位都讚賞評為最高分,與同區相比首選係第一位小菜評為最高分冇辦法啦煮嘅過程,顏色配搭味蕾刺激享受,非常之高質素,真係唔係講大話仲有呀仲有呀!非常之大碟每道小菜唔會唔飽,😊😊食過返尋味,啱曬我啲要食小菜食到好飽麻煩食客,老實說聖誕節都想喺度食餐聖誕飯真係好好食呀

廿七窩係大角咀中匯街好有家的感覺,所有食材新鮮,款式包羅萬有yummy,員工好有禮貌下次會再過嚟 ,可以一邊打邊爐一邊食小菜啱曬香港人多心嘅選擇,眼見現場好多人慶祝生日

都唔記得自己有冇寫過openrice食評,今次真係不得不寫啦, 味精椰青雞鍋?食完勁口乾,拎埋雞毛入去滾見到都唔開胃, 成個湯底得個味精味，雞雪到無雞味，完全浪費左隻雞既生命🤮 雪櫃味海鮮?敏感腸胃既人就唔好亂試,來來去去都係d普通丸,無咩特別🥲如果係打算食靚牛既人就真係去另一間好過啦，大角咀咁多食店,真係唔洗食呢間😢 連座位設計都差過人,冷氣出風對準食客,完全睇唔到老闆係有心做餐廳,究竟個9個好評點得返黎..🧐

下次要搵多啲人嚟，陪我食多幾樣餸😋上次試過火鍋，今次去食小菜，試出廚師真功夫。食物味道非常好😋，食得出講唔到🤣，要去食先知道😋。筍殼魚，一試難忘，炸得脆而鬆化唔油膩，魚肉保持嫩滑，我肯定唔食魚嘅人都鐘意食。象拔蚌刺身，睇都睇得出新鮮啦。燒汁牛仔粒，牛肉味濃，肉質嫩滑😋鮑魚小炒王，食得有貴氣，唔失禮😍黃金魚皮，熱辣辣，香噴噴，勁脆。有鑊氣，竟然碟上唔到見多餘嘅油，勁👍Wasabi超勁，朋友們食得好過癮🤣🤣

喺大角咀工作多年，每天食lunch都要苦惱食邊間，最近俾我搵到個好地方「廿七窩」午市套餐價錢便宜好味，尤其係籠仔蒸龍躉海鮮飯，魚和蝦都好新鮮好好味😋😋😋份量多到可以兩個人食，外賣仲有八折添，啱晒我哋呢班慳妹👏🏻👏🏻👏🏻晚市打邊爐個冬瓜盅湯底非常甜美😋😋😋先飲冬瓜湯後再加清湯打邊爐，食材亦好新鮮👍🏻👍🏻👍🏻食小菜亦都唔錯，尤其係薑蔥霸王雞，好食到唔停得口，小炒王炒得唔會太濃，青得嚟好鮮味😋😋😋炸豆腐粒外脆內暖好可口😋😋😋

某日與表姐閒聊，得知大角咀最近新開一間火鍋店－廿七窩，性價比高，值得一試。衆所周知，大角咀乃近年老饕熱門覓食之地，火鍋店選址大角咀，可見實力不容小覷。立即打電話訂枱，嘗鮮去。 甫入店內，型仔老闆💁‍♂️立即熱情相迎，店內裝修走的是親民路線，簡單且簡潔，「碰杯声共语声喧，锅中肉肉涮还鲜。」已足夠形容。我哋各自安坐後，型仔老闆便立即送上一碟餐前小食－「蒜香豆腐粒」，豆腐炸得外脆內軟，甘香可口，令人食到停唔到口。跟住型仔老闆就介紹當日象拔蚌同鱆紅魚好新鮮，做刺身一流。聽落都覺得好味，即刻落單。象拔蚌刺身先上，絕對是新鮮現切。師傅刀工一流，片片厚薄適中，爽脆彈滑，入口完全冇腥味。輕嚼幾下，象拔蚌嘅鮮味便充滿整個口腔，令人難以自拔，1.4斤的象拔蚌瞬間就被清空嘞。店家馬上送上啱啱切好嘅鱆紅魚刺身。魚肉片片晶瑩剔透，望落就知新鮮，食落更加彈牙鮮甜，慢嚼輕咽，魚的鮮甜味慢慢咁滲出，箇中嘅滋味，非筆墨所能形容。果然冇介紹錯👍而且鱆紅魚每日新鮮到店，限量發售，喜愛魚生嘅你，一定不可以錯過。 食完兩大盆刺身，已經好心滿意足，覓食老饕點會就此收手呢！當然立即加點店內人氣之選「廿七奇味雞煲(小辣)」。呢個雞煲，

今次自撰餐單私房菜,超有驚喜😃😃！蒜蓉蒸蟶子皇比美布袋澳。小炒皇用了四季豆代替九菜花，鑊氣十足，不油膩，又有新鮮感。椰子花膠燉雞湯😋真材。因為兩個人食超飽，下次再試其他餸菜😁！

預㊗️父親節，同外父外母、一行五人，大角咀搵食發現呢間廿七窩，係C類食店，入去試吓🧐試咗菜膽🐔（嫩）、籠仔斑球蒸飯（香）、蒸水蛋（滑）、咕嚕肉（脆），價錢平靚正👍食到肚腩都突出，下次會再幫襯，原來重有🉐️打邊爐添🤣