能記飯店

营业中

休息中

住附近已经食烧鹅食到厌，今日想食吓家常便饭，谂住有苏民峰加持唔太差挂，点知中伏了。其实几年前帮衬过一次烧鹅，食完觉得麻麻己经无返转头，今次想试吓佢小菜得唔得，所以无叫烧鹅。花雕煮花甲，花甲好大只，但无咩鲜味，少少腥。虽然花雕味好浓又有劲多姜，但都系唔好食。煎莲藕饼，咬落胶胶地，初时仲谂究竟食紧咩，莲藕少得可怜，于是问侍应呢块嘢除了莲藕仲有咩，佢好直接答系粉，哦⋯⋯原来粉多过莲藕，佢改名做煎莲藕糕会好d。要赞既话只能赞佢可以将d粉达到咁胶，好功力。个生菜豆腐鲮鱼球汤味道比较正常。 成餐饭靠呢个汤送白饭先至饱，本来有谂过要唔要烧鹅送饭，但心谂都系博唔过，唔比佢赚$160蚊。结论，唔会再去。