麻辣小聚 (93WYS) (裝修中)

原来呢间唔系净系做任食火锅，都有普通晚饭小菜，都系川菜为主。花菜炒四川腊肉口感🫦花菜爽脆，唔会炒到林pat pat，腊肉烟韧有咬口，唔会净系食到肥膏，成个口感都系林林地，几好食！味道👅有辣椒一齐去爆炒，辣辣地好惹味，花菜都食到好清甜既感觉，腊肉唔会太咸，反而有啲甘香，亦都食到腊肉嘅油香，但系又唔会好油腻嘅感觉，味道啱啱好！酸辣土豆丝口感🫦土豆丝够晒爽脆，一条条切得好幼，唔会渌到太熟，煮得啱啱好，之后过一过冷河，保持到新鲜爽脆嘅口感！味道👅土豆丝吸收晒啲酸辣嘅味道，又酸又辣，非常之开胃，酸辣味配合得岩岩好！难忘酸菜鱼口感🫦鱼片大块软滑，唔会好松散，几厚实，厚肉得黎好滑好嫩，加埋啲酸酸既酸菜，口能丰富！味道👅汤底系金黄色，饮到啖啖鱼味，真系用鱼去煮出黎，加埋酸菜同辣椒，酸酸辣辣，味道好有层次，酸求辣度岩岩好，超级香超级浓味！重庆麻辣烤鱼锅口感🫦烤鱼烤的外脆内软，烤鱼鱼皮有啲脆，鱼肉好嫩，好滑，一啲都唔会鞋口，鱼又大条鱼肉又多，食到啖啖鱼肉，仲有啲萝卜花生呢啲配菜，正呀！味道👅烤鱼吸收晒啲辣味，好浓味，但都仲食到鱼肉既鲜味，愈食愈辣，爽！