權發飯店 (已結業)

好一间非常旺场嘅街坊食肆，6点钟已经全满。虽然得7个人，但贪心地叫了8个𩠌，当然食唔晒，记得有以下嘅 :大班两味 :　分别系炒球及炆头腩，十分唔掂，鱼唔系新鲜嘅，所以整到好咸嚟藏拙，完全冇鲜味，好难食，而且要成＄１８８，好唔抵。下次应该试炆班尾。本来味道可以俾5分，但因为呢样嘢差所以要扣1分。蜜桃菠萝咕噜肉：抵赞！呢个𩠌最试到厨房功夫。肉应该系用枚头，炸完之后可以keep到ｄ肉汁，肉唔靭，咬落去软熟；ｄ配料炒得好，唔太油，青椒够青翠爽口；个甜酸汁较得恰到好处，甜同酸味刚好，加埋d蜜桃同菠萝平衡令个𩠌唔太腻，好姜葱桶蚝：蚝够大只够鲜，姜葱够惹味，加埋用沙窝上热辣辣，讨好琵琶豆腐：做成球状，微炸之后外皮几香，个献唔太杰，老人家最啱食蒜香鸡：半只已经好大份量，皮脆肉嫩，好正重有两个小菜，印象唔系太深呢到真系好夹抵食，一家大细食饭最啱，但要早去等位。