權發飯店 (已結業)

通常黎權發都係食晚飯小菜，但今次就黎買個飯盒做lunch~生炒雞絲飯+例湯：加埋都唔洗$40，仲要咁大盒，真係抵到爛！味道方面，既然間飯店係做開小炒，自然係用大排檔式爐頭，炒出黎既飯亦好有鑊氣；飯粒真係粒粒分明，每粒飯都有D蛋汁包住，又唔油，最正係D雞絲，嚴格黎講係雞條，份量好多，而且無咩雞皮，唔會話好肥，正！至於個湯係「赤小豆粉葛豬骨湯」，一D都唔求其，好足料，又唔會好重味精，飲完都唔會口乾。以後lunch又多個選擇lu

有個fd話想試吓權發既黃金蝦，咁就由我哩條地頭蟲做coordinator，約埋一大班人齊齊食啦！「沙拉骨」：佢係沙律醬連埋D炸排骨一齊炒，所以每舊都沾滿沙律醬。D肉夠淋，亦好入味，應該炸之前用香料醃過，夾埋沙律醬食，一流！「蒜蓉粉絲蒸蟶子」：好鮮甜，亦無蒸到過老，唔會話咬唔開，麻麻地海鮮既我都覺得好味！「豆豉鯪魚炒油墨菜」：第一次食咁既炒菜，原來好match，油墨菜好爽甜，無咩渣，不過我好怕食豆豉，所以食左唔多。「黃金蝦球」：哩個簡直無敵，大蝦好彈牙，加埋D咸蛋黃去炒，鑊氣十足，正！（不過注意，佢係黃金蝦「球」，唔好叫錯黃金蝦「碌」，「碌」係連殼炒，鐘意啖啖肉既我就係之前中過招喇=-=）「魚香茄子煲」：上檯時仲滾緊架，茄子夠淋，汁夠杰，送飯一流！「醉香雞煲」：送黎時係一碟生既雞肉伴一盤湯，個湯好大陣藥材味，我就麻麻，所以一舊都無食到，但D fd就食到lam lam脷！成餐飯每人大約$130，又雞又蟶子又蝦，仲唔係抵到爛

去完Church後, 喜愛到權發食,因午飯叫小菜幾抵食, 味道都唔差今天11:30去到, 員工都在休息(睇電視) 當中.安排坐下, 等了15分鐘, 可以落單今日小菜叫左牛肉炒蛋, 味道偏鹹, 但味道可以炒膳個茨汁太結, 有d漏有湯, 有白飯大件抵食

岩岩升左新晉食家! 太開心了, 因為有12張相可以放! 成日影左冇位放, 我又唔鐘意張D相整到細細幾張當一張.我自己基本上睇到別人食評, 如果係多張當一張, 自己都冇咁有心機睇,升左級, 寫篇食評慶祝下!!!! ( 都唔知係咩慶祝方法)去完東區探病, 一架的士就到, 快! 椒鹽九肚九肚不是靚野, 老實我係半個水上人, 食九肚, 一定係油鹽水或者邊爐做得椒鹽絕對不會是絕頂合時靚野, 睇SIZE就知, 細細條, 肉薄.但我今次要講, 不是彈, 是讚, 油不益味, 炸出黎色唔深, 証明油夠新, 而粉唔厚, 薄薄脆脆, 做得好!生炒骨我冇投訴, 生炒骨就係生炒骨, 唔會變左咕嚕肉, 有D餐廳, 2樣野當一樣整, 唔OK!排骨也OK, 係肥左少少, 不過本人口味特別, 鐘意瘦野, 可能呢個先係大眾口味.炒鵝腸料頭夠多, 我最鐘意食料頭, 反而少食鵝腸, 整碟炒得非常香, 不過這是雪鵝腸, 食的是奇爽口, 但我覺得佢有點柴, 好難咬小炒王（唔知有冇記錯)有魚有NUTS, 夠火喉, 樣樣都好食, 但係就係唔知點解, 溝埋一齊就怪怪地...基本上我樣樣都係分開食, 冇得一匙一匙咁咩都放入口, 我覺得小

28.1.2012是日為年初六, 由阿姨請我們吃飯 由細到大, 每逢假期, 也會來東區探望長輩和家人, 然後一起晚飯, 因此, 也有很多機會在這一帶吃飯. 在我記憶中, 我已去過權發多次了, 有時去西灣河分店, 有時去這間分店, 去年就連北角分店也去了. 但無論哪一間分店也好, 權發的店內環境都是比較污穢. 不過, 權發仍然是東區人的飯堂. 平日也好, 假期也好, 每間權發在晚飯時間也會擠滿等位的食客. 這晚是星期六晚, 雖然我們訂了位, 但仍然要等上15分鐘才有檯. 等到有座位時, 就發現座位之下有點兒濕滑和少少垃圾. 但我們都早已預料到的. 不過我真的很怕在環境這麼差的地方吃飯.期望菜式不會太差吧. 首先是例湯. 用瓦煲煲的, 雖然是普通的豬骨湯, 略為肥膩, 但飲得出沒有落味精. 發財好市大利有勁多發菜和豬利, 蠔士卻很少. 豬利我沒有吃, 但吃了發菜, 不過很咸, 又淋到一pat, 好碎, 蠔士很大隻, 但也是過份咸了. 大斑兩味有炒斑球和炆頭腩. 炒斑球的斑肉很大塊, 沒有太多骨, 而且竟然出乎意料的彈牙. 作為伴碟的荷蘭豆份量多, 也很爽甜, 我吃了很多. 炆頭腩就比較咸

終於完成了一個階段的使命, 大家當然高興得很, 要找個地方慶功, 就來了這裡. 午市來到, 有午市特價小菜, 包白飯一碗及例湯.例湯: 7分, 是日的例湯是粉葛赤小豆煲豬骨, 都幾夠火候, 而且不太有師傅的痕跡, 近日天氣寒冷, 飲口熱湯, 人也暖和了不少.蒜蓉炒菜心 $43: 8分, 菜心都幾靚, 炒得不會太油, 加上蒜蓉, 都幾香口.東江鹽焗雞 $43: 5分, 雞肉偏實, 白肉部份尤其鞋口, 而鹽焗的痕跡也不夠明顯. 不過以這價位來講, 有這份量的雞吃, 還算是可以的.椒鹽白飯魚 $48: 8分, 相當香口, 不會太油, 也不會太乾, 加上點點辣椒, 是相當惹味的.粟米石斑塊 $50: 6分, 這個炸物就比較差, 偏乾, 還好粟米汁是幾好送飯的, 而石斑塊也不會太腥.這裡的白飯相當大碗, 一碗等如平常吃的三碗, 真是怎也吃不完.這裡的食物水準算中上, 不過價位就相當合理. 不用加一, 沒有茶芥, 但吃到午市小菜, 實在是相當經濟的一餐.

又一個家中無飯的晚上,於是搭地鐵一個站到筲箕灣搵食.到了等了一陣便很快有位,不過坐下便覺唔妥伶伶仃仃一張枱縮埋一角,走廊放滿竹籮,傳菜的阿嬸走來走去.唯一可取的,只有很猛的冷氣,不過心想,快快手手食完走.大斑炒球的魚十分鮮味,好彈牙,還散發著薑味,菜心略嫌少少硬,油也太重手,不過味道還可以.炆頭腩的肉不算多,但魚也十分鮮味,唯魚皮痴住魚肉較難分開.整體也十分入味,尢其是底下的豆腐,十分香濃,卻不油.最滋味的一定是蒜香雞皮十分脆,金黃色的賣相十分吸引.一咬下去,雞肉十分嫩滑, 一股濃濃的蒜香立即引出,蒜香而不嗆鼻.亦沒有一口油.敗筆為伴碟的蝦片,完全沒有蝦味.梅子排骨幾乎完封不動地拿出,因為餸菜太多,酸酸咪咪的梅子醬可引起胃口,不過醬汁太過人工.最後甜品叫左一個勁大盤的芒果布甸,又係拎走芒果唔算多,果肉唔太濃,但十分重奶同花奶味.最後拎左好多野走,亦十分好食

每到港式餐廳，總愛叫煲仔菜，貪其熱辣辣、香噴噴。由細至大，尤好算骨，魚頭是我的老死。友人說我的口味尤如阿伯，笑我麻甩。今天到權發開飯，心癮起，忍不住點了生炆班頭腩煲。叔叔先端上免費例湯，大碗之餘又「有料到」，毫不吝嗇。主菜隨後送到，未放下已聽到吱吱聲響，熱力十足。嘩！大煲啦！ 並非講笑，煲仔的size屬重量級，相信合二人之力方可擺平。魚肉很鮮味，雖然有點腥，但我不怕！魚皮炸得香脆，內裏保持肉汁，不賴。火腩不算出色，豆腐亦普通。反而芫茜應記一功，能提升整個菜式的香味。 吃了大半碟，肚子已脹鼓鼓。看見滿碟魚骨，十分滿足。所謂本性難移，我認，我很麻甩！

間唔中都會來食晚飯...近幾個月冇來，今晚來食晚飯..覺得價錢貴左，叫左幾味小菜食...$188 大班兩味，OK la... 唔係特別出色... 個炒球好過個班頭煲...個班頭煲咸左少少...炒菜都好夠獲氣... 但係味道濃左少少，蒜頭多得滯...另外，真係好嘈，我都明白人多，窗又密封，好難唔嘈，但我真係覺得呢度特別嘈，嘈到你想快d食完... 快d走... 伙計執野時，好快同埋頗大力咁將碗筷dum 落個盤度...更加嘈... 可以留意下...

因試過將軍奧分店覺得不俗, 是日路經筲箕灣, 便來試試。環境比較窄, 全都是用圓櫈, 不太舒適。一坐下不久便有位中年穿耳的待應叔叔走來,向我們握銷什麼「班尾」, $138 一份, 說用什麼古法蒸,很不喜歡這裡的硬銷, 在父親想落單之際便出言制止了。最後點了:濃湯浸四寶 ($60) - 白果, 勝瓜, 腐竹, 金菰味道還可以, 不過這菜也很難做得差吧。菠蘿蜜桃生炒骨 ($65)汁料味道不錯, 但生炒骨卻是跟外面的「3 餸飯」那種差不多, 而且吃得出是「返炸」的, 還有就是這生炒骨局是是「啖啖肉」的, 重點是我要的是「生炒骨」而不是「咕嚕肉」, 失敗之作。蒜香風沙雞半隻 ($95)上桌時也只能算是微暖, 一吃下便知道是冰鮮雞, 吃起來完全沒雞味, 更甚的是完全沒有味道,每一件也要沾些准鹽才有點味道。荷塘豆腐 ($60)一般, 沒午麼特別, 用來佐餸飯很適合。再加白飯四碗。環境太吵, 待應執枱時喜歡亂掟餐具, 吵上加吵。埋單時發現這裡原來星期六日及公眾假期要收加一,毫無服務可言還要收加一,好.....我一分小費都唔會俾,俾晒散銀齊頭.....

上週與家人在東大街食權發晚飯, D 餸咸得很! 我自02年搬入筲箕灣, 便非常愛到權發食飯, 儘管時常爆滿, 但都很甘心的等, 但自去年下旬開始就發覺好像換了厨司, 我家每次都點的蒜好蓉蝦, 生炒骨, 蝦乾蒸勝瓜及油鹽水浸花甲, 已不復當年, 每次想再次回味總失望而回, 希望靚仔老板注意一下, 希望下次再去可回復水準！值得一提的是,食物很新鮮, 另外如蒜香雞, 囉米飯, 炸蟹鉗也不俗, 不過都係嗰句, 阿老板, 以前嗰厨去咗邊？太失望了, 好咸, 吾健康呀！

第三篇食評：權發飯店。早前有朋友和其丈夫溫馨「拆檯腳」時，已經被這店的栗米斑塊深深迷倒，說一定要帶我去試試看。結果某天下午由她帶路到這家店試試看。必定點了她說的粟米斑塊，可能是因為她這樣一說我期望過高了，覺得還好嘛，只是看起來像沒有外面吃的那個脆皮好像糊一樣而已。還點了好油的魚香茄子和什麼雞，因為不什特出的所以已經忘了。另外想說說的是我和男友說要點的柱候牛腩陳村粉，這為什麼好像在這裡寫食評的人都沒吃過？我覺得很不錯啊！自從有一次吃過比一本寫真集還厚的陳村粉，就很期待找個什麼地方可以把我這不愉快回憶踢走的地方。我覺得這裡的陳村粉還不錯，雖然看起來好像是一疊的，不過入口後就會發現那些粉是一片片薄片的，不會厚也很爽口。這個陳村粉是好吃的，卻因為牛腩汁太鹹所以......T_T那個陳村粉是超級大籠的，足以夠四人吃。所以最好就是一大堆朋友出來吃飯時點來試試看。

好一間非常旺場嘅街坊食肆，6點鐘已經全滿。雖然得7個人，但貪心地叫了8個餸，當然食唔晒，記得有以下嘅 :大班兩味 :　分別係炒球及炆頭腩，十分唔掂，魚唔係新鮮嘅，所以整到好咸嚟藏拙，完全冇鮮味，好難食，而且要成＄１８８，好唔抵。下次應該試炆班尾。本來味道可以俾5分，但因為呢樣嘢差所以要扣1分。蜜桃菠蘿咕嚕肉：抵讚！呢個餸最試到厨房功夫。肉應該係用枚頭，炸完之後可以keep到ｄ肉汁，肉唔靭，咬落去軟熟；ｄ配料炒得好，唔太油，青椒夠青翠爽口；個甜酸汁較得恰到好處，甜同酸味剛好，加埋d蜜桃同菠蘿平衡令個餸唔太膩，好薑葱桶蠔：蠔夠大隻夠鮮，薑葱夠惹味，加埋用沙窩上熱辣辣，討好琵琶豆腐：做成球狀，微炸之後外皮幾香，個獻唔太杰，老人家最啱食蒜香雞：半隻已經好大份量，皮脆肉嫩，好正重有兩個小菜，印象唔係太深呢到真係好夾抵食，一家大細食飯最啱，但要早去等位。

只曾光顧過西灣河的權發，很喜歡。周末時近中午，人在筲箕灣，就想試試這間的水準是否一樣。行上筆直的樓梯，意外地發現還有很多空檯。原來此店不做早市，沒有點心供應。餐牌與西灣河的相似，午市特價麵飯更奉送例湯。毫不猶豫的點了偏愛的砂鍋魚頭煲，另要一個鴨腿湯飯。等上一段時間才送上例水，是蓮藕湯，淡淡的棄不足惜。再等一陣子，鴨腿湯飯到。一看便歡喜，燒鴨腿之外，不是放一兩條菜作伴就算，而是用上勝瓜，還加了些草菇，甚合心意。湯底好味，果皮味重，不錯。砂鍋魚頭煲最後上場，雖然跟大大碗飯，包你夠飽，亦屬抵食，不過魚頭煲的分量只及西灣河的三分二，自然有點過分期望下的失落。食落魚頭幾新鮮，配搭的燒肉、豆腐也不錯，仍是令人滿意的。

因為要分兩頭食團年飯，所以就要提早一個星期六同亞媽食。禽晚所有嘅餸都比上星期好味(唔知係咪轉咗廚?)今次叫咗薑蔥雞，因為蒜香雞次次都食，有啲厭(其實係好好吃，不過真係order too many times)，薑蔥煮法都ok，好滑好有味道，不過都係比唔上蒜香雞....琵琶豆腐~~~好大碟，獻汁好夠(因為叫咗多汁)，所以啲炸豆腐match一齊就好有味，少少脆又濕濕地，正!沙拉骨~~又係portion好大，九個人一人一舊都仲有剩....蟹肉扒豆苗~~~非常非常大碟，夠油水，very good!黃金虾球~~推介!又係好大碟，咸蛋黃好足，全部虾都有，色澤均勻，虾剛剛熟，唔會過火，肉脆，一定要試，超值!!! ($8x only)豉汁鱔~水準之作，但我又講唔到話有咩特別，不過今次條鱔好似瘦咗少少...豉椒炒蜆~~好似咸咗少少...糯米飯~~唔多似炒，不過就料足，同埋$50一碟就幾抵....服務方面:可能係平價飯店啦，所以都唔會expect有service，但個落單哥哥仔幾搞笑...你叫加茶都有人好快幫你。最大缺點係~~~張枱太細，同隔離零距離!!!!