劉萬利咖啡粉麵飯

营业中

休息中

今晚去到位于沙田博康邨既新冬菇亭，讲下旧史以前的冬菇亭衞生就冇现在咁好，但就好似特别有风味，见住d厨房大哥打大赤隙炒到身水身汗咁。座位就比较有点空间，但人与人之间就好像冇咁亲密，少了点街坊味。讲返d菜式先，先点了凉瓜炆仓鱼，再点埋个八珍炒豆腐，原本想见个炒菜但个伙计就好好人叫我食隔离粉面既白灼菜心19蚊咁就平左好多，因为炒个菜都60蚊起跳。凉瓜炆仓鱼，仓鱼先炸后炆系做得相当不错既菜式，可惜炸仓鱼用死鱼都系合理，但条鱼系死得太耐，d肉都碎湿湿，原本好好地既菜式就弯左。八珍炒豆腐，豆腐先炸再加上什菇等炒，味道都系好既，可惜个豆腐入面系冻，应该是走左油放得耐左再加上炒既时间唔够，可惜。白灼菜心算是成晚最掂的，灼既时间刚刚好加上蚝油，味道突出鲜明。