忠記咖啡屋‧私房菜 (已結業)

听讲呢间餐厅都几有名气，所以今日慕名而来，特登出到黎铜锣湾忠记咖啡屋食晚餐。虽然系楼上铺，但未到6点半已经有八成入座率，可见呢间餐厅真系相当受欢迎。为左食鱼，我地嗌左二人套餐🤗除左小菜仲有各式海鲜。老火汤好有家既感觉。非常推荐椒盐鲜鱿！热辣辣，食得出系即叫即烤炸。口感香脆，入面既鱿鱼爽口弹牙椒盐味道岩岩好，唔会太咸。蘸上酱汁，酸酸地更好食。瑶柱肉松蒸滑蛋，蛋够滑，捞饭一流。蒸得岩岩好～仓鱼肉质嫩滑，鱼味十足，啖啖肉，令人回味无穷。太极扒时蔬，呢款就比较普通。