大灰熊廚房 (裝修中)

趁住天气凉凉地无落雨，带阿女去游览将军澳新起既跨湾大桥，行完一圈经过帝景湾见到呢间大灰熊餐厅（阿女以为有大灰熊公仔，其实系一间食小菜既餐馆）都好耐冇起外面食小菜，一于试下啦，先讲讲个萝卜牛腩，个牛腩淋到...... 哗！真系唔知点形容，非当松化好入味，钟意牛既人真系不容错过。咕噜鱼都好好味，一口咬落去，酸酸甜甜，因为系鱼所以会比咕噜肉淋好多嫩好多，正！！！菜心炒牛肉，家常小菜，要做得好都唔容易，菜心够爽才好味，牛肉太耐会好韧，要洽好好处真系唔容易，师父好嘢阿女见到黄金豆腐粒，两眼发光 ，外脆内嫰又惹味，系会令人不自觉地食多几粒椒盐粟米，都未见过粟米咁整，食落好鬼惹味。最后我地加左个粟米羹同牛肉羹润一润喉，阿女难得成碗饮晒，差啲连我果碗都饮埋，呢餐好满足！