添記燒臘茶餐廳 (已結業)

细妹向来帮衬开深水埗明哥，但因为北河烧腊被停牌两星期，今次帮衬隔邻添记，一间无论食品、格局同装修都同北河好相似嘅食店。两款净菜同样卖$20，感觉蔬菜新鲜爽脆，比北河仲好味，亦冇咁油腻！蒸蛋香滑(虽然有一块小蛋壳)，有蛋味，内里肉碎带出鲜味，成盒𩠌俾我嘅感觉系：新鲜好味！如果真系要讲唯一比北河逊色少少嘅地方，就系呢度装啲𩠌冇北河咁满，北河冚住盒盖都漏哂啲汁出嚟！呢度相对轻手少少，食少两啖，但整体感觉唔错！