秦

营业中

休息中

小菜精美！墟内我推介既小菜馆！睇左几编食评，我就谂，只炸子鸡系咪咁好食呀！真系估唔到，内嫩皮薄，够味；平时食到好多都系肉比较实，皮同肉中间会好多肥膏，呢度既炸子鸡完全冇咁既问题，真系好得！蚝仔肉碎浸豆苗蚝仔洗得干净，豆苗份量多，个肉碎汤汁煮到几浓，好味！油盐水蚬够味，份量多，水准以内。流沙明虾球虾球走油冇过火，d咸蛋王完全包住虾球，虾球爽口，唔错。煎封马友炸得够朝脆，略严细条，整得好好！椒盐鲜鱿，蒜蓉粉丝蒸蛏子，都做得唔错！冰镇芥兰，都算爽口，不过就咁落d现成日式芝麻酱系面就好普通。总括黎讲食物有质素，不过全部海鲜都要预订，如果唔系好多都冇，地方企理舒服，不过系细枱多，楼上有大枱/房，有最低消费$3000；食得出师傅有心机处理食材，绝对值得一试，酒水就细啤$200/半打，自备酒水就合理开瓶费，论价钱及出品我觉得好过去酒楼食。尤其大时大节，连锁酒楼要食餐都系斗快飞出嚟！唔饮酒有沙冰咖啡奶茶。嚟食一定要订位，最主要系留海鲜，打去会whatsapp餐牌比你。