粥粉麵飯

营业中

休息中

今日去咗坚尼地城卑路乍街的楼上饭店《粥粉面饭》食晚饭。呢间小店嘅小炒不错，乌龙孖宝有猪肉又有虾，我觉得好好，两个人食唔会话太多猪肉太滞，又可以食到鲜甜嘅虾，虾系大大只又脆口，味道酸酸甜甜好开胃，仲配有好多洋葱青椒同埋鲜荔枝肉。碧绿炒龙趸球健康又好食，龙趸斑块嘅肉烟烟韧韧冇腥味，份量系好多嘅，西兰花灼到啱啱好，鱼肉鲜甜，食完唔觉得口渴。金银蛋浸时蔬嘅白菜好新鲜，好处系佢可以俾你拣少油少盐没味精，食落去系好有住家味，同埋好健康。粥粉面饭小炒嘅食材高质，我觉得系唔错嘅食晚饭地方。