影片
更多
2024-12-09
46 浏览
「俩三杯」主打台式食品同茶饮，而位于旺角朗豪坊12楼嘅「小薯茄x俩仨杯」系佢地嘅联乘主题店！虽然只系小小一角落，但都有好几个打卡位嫁，特别系一上电梯就见到嘅巨型小薯茄公仔！成间店舖色彩缤纷、主题鲜明。座位唔算太挤迫，整体感觉舒服，最紧要系周围都充满住小薯茄图案～！餐具同外卖杯都系喺主题上下足心思，我自己就觉得个手提杯套好靓喇！🍅蕃茄牛腱乌冬 $60蕃茄汤底酸酸甜甜味道浓郁，会有少少茄膏嘅味道。而牛腱软嫩得嚟又满满胶质感，乌冬仲超级弹牙！最后我连个汤都饮到一滴不剩！🐣醉鸡卷乌冬 $60厚厚嘅醉鸡卷，鸡肉嫩滑冇骨有淡淡酒香。汤底鲜甜，有卤水同花雕酒嘅味道。一口乌冬一口汤，食落清新但不失层次感，啖啖满足。🐮卤封门柳 $30肉质细致一啲都唔韧，卤汁渗哂入去，咸香惹味。单食已经好够味，相信配埋饭会更加出色。🪿卤鵽肠 $28鵽肠同样入味，咬落爽口，唯一要弹嘅系有几条鵽肠太长冇剪，食起上嚟冇咁方便。🐤盐酥鸡 $28炸得香脆又热辣辣，粉浆薄而均匀，咬开仲有少少肉汁，系食台式野必点嘅小食。🐽醉猪手 $25猪手炆得非常淋，个皮Q弹，中间个层明显满满胶质，话入口即化都不为过。🍍凤梨蕃茄特饮 $38我问店员有
「俩三杯」主打台式食品同茶饮，而位于旺角朗豪坊12楼嘅「小薯茄x俩仨杯」系佢地嘅联乘主题店！虽然只系小小一角落，但都有好几个打卡位嫁，特别系一上电梯就见到嘅巨型小薯茄公仔！成间店舖色彩缤纷、主题鲜明。座位唔算太挤迫，整体感觉舒服，最紧要系周围都充满住小薯茄图案～！餐具同外卖杯都系喺主题上下足心思，我自己就觉得个手提杯套好靓喇！
🍅蕃茄牛腱乌冬 $60
蕃茄汤底酸酸甜甜味道浓郁，会有少少茄膏嘅味道。而牛腱软嫩得嚟又满满胶质感，乌冬仲超级弹牙！最后我连个汤都饮到一滴不剩！
🐣醉鸡卷乌冬 $60
厚厚嘅醉鸡卷，鸡肉嫩滑冇骨有淡淡酒香。汤底鲜甜，有卤水同花雕酒嘅味道。一口乌冬一口汤，食落清新但不失层次感，啖啖满足。
🐮卤封门柳 $30
肉质细致一啲都唔韧，卤汁渗哂入去，咸香惹味。单食已经好够味，相信配埋饭会更加出色。
🪿卤鵽肠 $28
鵽肠同样入味，咬落爽口，唯一要弹嘅系有几条鵽肠太长冇剪，食起上嚟冇咁方便。
🐤盐酥鸡 $28
炸得香脆又热辣辣，粉浆薄而均匀，咬开仲有少少肉汁，系食台式野必点嘅小食。
🐽醉猪手 $25
猪手炆得非常淋，个皮Q弹，中间个层明显满满胶质，话入口即化都不为过。
🍍凤梨蕃茄特饮 $38
我问店员有咩推荐，佢叫我试下呢杯只系主题店先有嘅蕃茄特饮，听个名好似好伏咁，所以当时我嘅表情系😨咁样的，但店员话信佢！见佢咁有信心我就try try啦。又真系估唔到凤梨同蕃茄味道融合得几好，酸酸甜甜清新又解腻，最后我由😨👉😮👉😙。
🍓芒果奶盖士多啤梨沙冰 $48
同样系主题店限定嘅特饮，呢杯沙冰第一啖已经触发咗我嘅少女心，士多啤梨沙冰甜而不腻，最特别系芒果奶盖，香浓幼滑。整杯饮品层次丰富非常讨好。
🥭芒果茶冻 $48
甜品真系做到有诚意，有超多配料包括三色芋圆、鲜茶冻、椰果、仙草等等，仲有甜甜芒果沙冰底，两个人share就刚刚好。
整体食物水准唔错，份量适中，价钱合理。如果平日经过朗豪坊，仲可以叫Lunch Set，＄88有劲多野拣俾你有唔同配搭！
门店仲有劲多souvenirs，其中有个「薯茄茶包礼盒」我觉得几啱嚟紧Christmas Party上朋友屋企玩时当小小心意送礼，一盒入面有葡萄乌龙、桂花乌龙、白桃乌龙，三种口味，价钱＄298唔算贵。
张贴
