四季燒臘茶餐廳

营业中

休息中

去元朗探朋友，顺便去买老婆饼，食埋tea先返归，原本谂住去某沙牛面闻名既茶记，可惜人太多，就转去附近揾间食饱算。附近几间都满座（疫情下，几乎都一张枱一人），行远少少只有呢间有位，是但，坐低先讲。一入门口已经闻到阵异味，唔强烈，但就系闻到，都入到嚟，就试下。点咗个下午茶排骨炒河，加冻柠茶盛惠 40大元，唔贵。坐咗大约十分钟就上齐。排骨炒河色水麻麻，好淡色，食落排骨松散，好似雪咗好耐又重料腌过，河粉碎散，味道偏淡，重油味，排骨以外仲有鸡蛋，无咩特别味，但干炒河粉加蛋比较少见。下午茶关系，份量偏小，同价钱成比例。柠檬茶无少甜…唉，香港茶餐厅通病。今餐麻麻地，唔太差亦唔系好。但我想讲呢间店既店员，好似对疫情无咩感觉。入店无主动叫你探热，无扫安心出行。但最严重既系，水吧，厨房，侍应都比我见到唔戴口罩对食物吹水，外卖员由店头走到店尾一直大大声讲嘢都无戴口罩，而同时一堆堆煮好既卤水就咁放系度，平时我都觉得唔卫生，何况而家疫情。呢间店睇名似主打烧腊，临出门见到门口有个食客食紧叉鸡饭，卖相十分好又大碟，可惜我应该唔会再嚟试了。