影片
更多
2011-07-15
665 浏览
朋友仔生日饭交由我负责，好大压力㖞，如果拣错餐厅，食得唔开心就敝喇 ~ 多谢各位好友对我既信任 ﹗我第一次黎，亦系第一个到，一早已订定枱，所以完全唔洗等。时间尚早，所以无咩食客，环境好清静，见装修恰似日本小店，都几好。墙上都好日本传统地挂上木制餐牌。依度有免费 Wi-fi 方便食客，有需要时可按服务钟，又有电视睇，配套唔错。萤光鱿鱼，黎个前菜开开胃先。好鲜味，食其天然海水味夹杂住墨汁味道，咸咸地又甜甜地，一定要卷埋青瓜丝同吃，层次会更丰富。口感鲜嫰爽口弹牙，好好味，而且呎吋比我食开既仲大只少少，我起码食左六七只呀 ﹗𩽾𩾌鱼肝，再黎都系前菜 ﹗鱼肝一啲都唔腥，凉伴跟酸汁葱花麻油，非常醒胃。鱼肝味道甘香，口感油润软棉棉，好肥美啊。三文鱼沙律，三文鱼切成粒状伴与新鲜蔬菜配沙律酱，口感够冰凉又酸酸甜甜，转眼大家已成碟清晒喇，证明系好受欢迎既。蚬肉面豉汤，我最钟意就系饮热腾腾既汤架喇。饮落有淡淡蚬味，面豉沟得浓淡适中，温度够晒热、好好味。发现有一粒大大只既蚬肉㖞，梗系即时啪落口啦，唔新鲜既，有少少嗅㖞，失望啊，汤就好好饮。甜虾，滑溜鲜甜爽口，过关。油甘鱼，我既致爱，鱼脂激丰富，超甜，最最最甜系红
我第一次黎，亦系第一个到，一早已订定枱，所以完全唔洗等。时间尚早，所以无咩食客，环境好清静，见装修恰似日本小店，都几好。墙上都好日本传统地挂上木制餐牌。依度有免费 Wi-fi 方便食客，有需要时可按服务钟，又有电视睇，配套唔错。
萤光鱿鱼，黎个前菜开开胃先。好鲜味，食其天然海水味夹杂住墨汁味道，咸咸地又甜甜地，一定要卷埋青瓜丝同吃，层次会更丰富。口感鲜嫰爽口弹牙，好好味，而且呎吋比我食开既仲大只少少，我起码食左六七只呀 ﹗
𩽾𩾌鱼肝，再黎都系前菜 ﹗鱼肝一啲都唔腥，凉伴跟酸汁葱花麻油，非常醒胃。鱼肝味道甘香，口感油润软棉棉，好肥美啊。
三文鱼沙律，三文鱼切成粒状伴与新鲜蔬菜配沙律酱，口感够冰凉又酸酸甜甜，转眼大家已成碟清晒喇，证明系好受欢迎既。
蚬肉面豉汤，我最钟意就系饮热腾腾既汤架喇。饮落有淡淡蚬味，面豉沟得浓淡适中，温度够晒热、好好味。发现有一粒大大只既蚬肉㖞，梗系即时啪落口啦，唔新鲜既，有少少嗅㖞，失望啊，汤就好好饮。
甜虾，滑溜鲜甜爽口，过关。油甘鱼，我既致爱，鱼脂激丰富，超甜，最最最甜系红色位置，一定要抢黎食呀 ﹗三文鱼反卷，平平无奇，普通，而且啲饭唔够干爽，略为黏口。
什锦刺生并盘，不得了 ﹗件件都超肥美、香甜非常，活海胆、金目鲷、带子、油甘鱼、牡丹虾、鲷鱼、赤贝、极上吞拿鱼腩，每件都新鲜无比无得弹，真系要抢先得喇﹗嫰嫰嫰﹗特别要提提海胆跟清甜青瓜，依个配搭好少见，味道非常清新，又带海胆鲜味，正。
日式炸豆腐，外层炸得香口，里面嫰滑，跟甜豉油同吃，虽然我对甜食无咩兴趣，但都唔错，面层似甜腐皮啰。
烧烟肉蚝巻，先榨点鲜柠汁提升鲜味，又可减低煎炸感，就即刻整旧啪入口。珍珠蚝鲜嫰多汁，肥嘟嘟，非常 creamy ﹗仲有淡淡海水味加上鲜蚝甜味 ﹗正呀 ﹗外面卷住折然不同浓味、咸香、咽靭既烟肉 ﹗两个极端并埋一齐，既特别又好味，全枱朋友都非常欣赏。
盐烧美国牛小排，食日本野，突然黎件美国牛，如果系神户牛、松阪牛会更适合。食牛我爱食 3 成熟 medium rare，但唔要血淋淋有血水系只碟度啰。牛肉口感几硬又靭，牛味虽浓，但较为沉实，要点芥苿酱一齐食先得，一试无妨。
盐烧鲭鱼，半条，鱼味非常浓郁、肉汁又丰富，口感鲜嫰，鱼油咁香，外层烧得香脆，加少少鲜柠提升鲜味，无投诉，好味。
日式炒什菜，日式炒什碎？卖相真系麻麻地，有芽菜、椰菜、冬菇丝、甘荀丝，味道清淡甜简单唔油腻，免免强强啦。
盐烧薄牛舌，点解会系薄既？唔系全部都系用厚烧架咩？口感同味道差一大截㖞。薄牛舌口感爽，牛味浓，满意。
稻庭冷乌冬，真真系系好嫰滑又咽靭弹牙，用冰水浸过，入口好清凉舒服，好有米香，跟淡酱油同吃，十分冶味。稻庭冷乌冬配日本酱酒，淡酱油加入葱碎、子姜片及少量芝麻，乌冬本身只有米香味道，所以要跟酱油同吃，依个秘制酱料既特别又美味，好开胃，令人有种想继续食多啲既感觉。
日式海鲜炒饭，用日本珍珠米炒，多款海鲜粒粒加椰菜，本身我好怕炒饭湿淋淋同埋有蔬菜系入面，今次两样有齐，所以唔多喜欢。试左两啖，啖道还可以，虽然系湿左啲，但不失其香味，而珍珠米真系肥嘟嘟又咽靭。
张贴
