和田便當 (已結業)

系海富中心附近返工，行过二楼见到一间外卖便当，见装修同机器几新净应该系新开。呢边既营运模式系全自动便当售卖机型式营运， 只系需要用八达通比钱再系机器到择想食既便当，落单之后机器内部拎便当到取货口，成程唔需要店员既帮手就可以系好短既时间之内完成自己落单买外卖便当既过程。不过都见到有一位店员系店里面，如果遇到问题就可以揾佢帮手。讲返食物方面，见到menu系星期一至五都安排左五款唔同既便当选择，可以每日变换口味。今次星期四就买左韩风豚肉泡菜春雨便当黎试。便当微温可以直接食，豚肉好有质感同入味，泡菜微辣唔会太过火，其他既配菜同粉丝都好味，整体黎讲唔错会再试。如果而家疫情真系吾错，点完单就会有个便当拎去附近既公园！好chill