小食快綫

营业中

休息中

今日冻冰冰搭火车喺旺角东站落车， 原先谂住去买支热维他奶，结果畀我 系A出口 见到有间小食店， 里面人头涌涌， 我就排队入去买小食， 店内职员个个都好熟手，所以就算排队都好快买到嘢食 ，因为天气冻想食啲热嘢，所以我叫咗个肠粉， 个肠粉热辣辣， 捞埋甜酱、 芝麻酱及豉油， 食到个人暖笠笠， 而且肠粉好滑， 好好味。小食店有好多其他小食， 例如有辣及唔辣的鱼蛋， 烧卖、鱼肉汤、 碗仔翅、 即整的格仔饼、 鸡蛋仔及三文治等等。下次搭火车经过要试埋啲碗仔翅或者两沟 ，如果有即制冰镇奶茶就perfect了！