軟橋米苔目餐廳 (已搬遷) 新店位置

深水埗大家都知道系平民食堂集中地，今次我地去到一间小店食米苔目，认真系黎之前都唔知系点样既粉面，但食落几过瘾。呢间店有好多唔同既汤底，其中猪骨汤底系基本汤底，我就叫左一个猪润鸡肉米苔目。米苔目本身质地几好，食落唔会好粉，有啲似乌冬，本人几钟意呢个口感，表面都容易挂汤，所以的确几好食。之后女朋友叫左个猪润酸菜，方鱼汤底饮落面几重方鱼味，酸菜同猪润份量都好多。小食方面系我好爱呢间小店既原因，有好多种类选择，同时都几好质素。麻辣鸭肉既鸭肉本身有轻卤既味道，麻辣有得选择辣度，重点肉质都好弹牙。下一个系台南猪手，猪手煮到好淋好滑，食落好入味，猪皮唔系爽既口感，一样都系煮到好淋，食落味道好浓厚。骨入面更加有骨髓可以吸食。重点推介系Q弹豆腐，到底系点样做到呢种咁弹牙既口感，表面有啲辣粉同调味料，好惹味上瘾。仲有就系呢到有日本入口既波子汽水，今次试左士多啤梨味，饮落几清爽。总结小店入面唔会太迫，同时枱面设计好清洁干净，有好多𩠌菜选择，小食亦好好食，下时经过都可以再次一试。