樂天皇朝 (已結業)

一早听闻乐天皇朝的八色小笼包非常出名，但我始终钟情原味小笼包，所以点了一笼原味，一笼蟹粉小笼包。因为我同老公都好钟意食煎炸野和点心，所以点左好多小食，反而无点主食。原味小笼包：皮薄馅靓，入口多汁，夹起都唔会爆。而且馅料嘅猪肉一啲都唔肥，啱晒怕肥猪肉嘅老公。蟹粉小笼包：蟹粉好香浓，但系就夺去咗小笼包嘅鲜味，所以我都系钟意原味小笼包多啲。无锡鲜肉锅贴：热辣辣刚煎起，个底煎得金黄香脆，咬落去肉汁涌出嚟，所以食嘅时候要小心烫口。炸馒头：佢一上，我就即刻食咗两个。炸馒头外皮炸得金黄，而馒头入边都好松软，点埋炼奶食，简直系绝配。炸春卷：春卷都系即叫即炸，非常新鲜，嚟到嘅时候热辣辣，差啲辣亲个口。姜汁炒芥兰：芥兰青绿爽脆，加埋啲姜汁，但又唔会太油，不错👍🏻清炒白菜：炒白菜好有镬气，不过都系姜汁芥兰好味d.滋补姜茶汤圆：糖水好够姜味，芝麻汤圆馅料都好幼滑香浓。乐天皇朝既小食整得唔错，好有质素。下次会试埋小菜和主食。