淘客小食 (已結業)

一排冇落黎泽丰呢头揾朋友，发现都有唔少食店执左，例如英国佬 (我未食过咁就执左) 同时都有一啲新小食店开张，就例如淘客小食。店铺环境有啲简陋，但小店阿姐好好服务态度。因为想小食多餐，所以我都冇叫饭，只叫左红油抄手，爽酱茄子同豆浆。红油抄手既菜肉云吞全由人手包制，云吞皮冇碱水味，菜肉馅都几胀卜卜，菜味尚算浓厚。辣椒油唔太辣，但辣椒干够香脆，如果可以落多啲就好。夹酱茄子望落平平无奇，好似一般炸茄子，但食落原来几特别，主要就系「夹酱」，蒜蓉味浓郁，亦有少少咸香，新鲜热辣时食更加好食。豆浆味唔算重黄豆味，都唔太甜。