深宵食堂 (已結業)

因为OpenRice不时都会请睇戏，XO仔得以认识到日本又系漫画、又系电视剧、又系电影o既「深宵食堂」。契妹讲起先知原来有粉丝亦好潮地因此名作喺香港先后开咗两间「深宵食堂」，二人就亲周一傍晚最唔迫人o既时间一探究竟。 位于大厦六楼o既食店门外设有候座区，旁边摆放有餐牌及杂志报导供食客一边等一边参考。要进入餐厅磨砂玻璃正门必先按铃 ，等待芝麻开门。店子不大，一边为四人卡位区。另一边则为合并式二至多人散座。我地契兄妹二人被安排入座其中一张高櫈位置，讲真两个肥人坐得都几唔自然 。由于餐桌面积有限，两口子最终采取边食边叫o既方式慢慢享用美食。 芝麻鸡翼（$48/三只）：芝麻鸡翼果然皮脆肉嫩，少辣惹味，唔怪得知咁多人推介 。 芝士虾球（$38/六粒）：眼见金黄色o既虾球冇烟出，谂住唔会好热啦，点知细佬一口咬落去，入面流心o既芝士真系好热 ，仲烫亲条脷添。芝士虾球不但滚热辣，芝士够流心，外层o既炸皮仲好松化，虾胶馅亦好爽脆，估唔到「深宵食堂」又几有料到㖞！ 芝士年糕（$36）：芝士年糕同芝士虾球无论系味道定质感都极之唔同，但效果却一样咁精彩！芝士年糕一定要亲热食，其皮薄香脆，芝心