Deli-O (已結業)

新都城二期无论饮食或者购物消费都比较集中，所以第一同第三期去嚫都系有目的咁去。今日烦紧食晏食咩好，同事提意行吓一期睇吓有咩啱食，发现有几个英文字著咗灯，咁就行咗过去食晏喇。餐厅系先付款揾位坐低，拎住个牌仔会有职员送餐，几贴心。食物方面粉面饭薄饼咩都有啲种类算多，我哋叫咗两个小食四个餐，主食嚟讲味道真系有啲普通，反而小食有啲惊喜，而且价钱唔贵。香茅猪扒喇沙参参，嚟呢度食嘢学多样嘢，参参系两种粉面两沟捞埋一齐，汤都可以，但猪扒有啲干，而且似系预先整定。焗芝士海鲜龙虾汁饭，海鲜唔多，汁少，饭有啲干。卡邦尼意粉，个汁嘅忌廉唔够，味道都可以。日式脆炸生蚝拼鱼柳珍珠饭·面豉汤，炸蚝，鱼柳，洋葱圈各两件，系新鲜炸起，鱼柳都唔错，蚝无咩味，洋葱圈有啲硬。烟肉蘑菇薯蓉，都几大份，薯蓉幼滑，味道咸度适中，唔错。蜜糖鸡翼，有五只，够大只，外面嘅皮少够干有蜜糖味又唔会太甜，里面又够滑。左上系抺茶牛奶，太甜，右上系焦糖咖啡，咖啡味唔够浓。