九份飽 (蜆殼街) (已搬遷) 新店位置

是日用餐体验：由于𠮶日系星期六去食，排队嘅人都比较多，所以都等咗一段时间先入座。当时点左红烧牛肉面，炸花枝丸，甜不辣，盐酥鸡，海苔培根蛋饼。先讲吓红烧牛肉面，系我认为当晚质素最差嘅一样，汤底冇乜味，好似沟左好多水咁。面质都相对失望，唔系平时食开QQ弹弹的面，又好似上海面咁样，咬落去粉质好重。至于个牛肉切得好薄，但系煮得唔够腍，都好彩佢切得薄所以煮得唔够谂都咬得开，但系就有种咬橡筋嘅感觉。至于小食嘅水准非常出乎意料，海苔培根蛋饼系新产品，但系佢个口味配搭得都好好，甜不辣同花枝丸同盐酥鸡都炸得非常酥脆。甜不辣里面烟烟韧韧，仲有阵好似鱼糕嘅味道，好食！如果再返嚟帮衬都应该净系会食小食🤣🤣