金鶴拉麵 (荷李活道) (已結業)

寻晚去左试呢间拉面。同平时啲拉面店唔同嘅系，呢间啲台同台之间嘅距离好远，可以坐得好舒服，唔洗逼住晒咁坐。每人都叫左一个一人套餐 $128，可以拣一款主食、一款小食同埋一款饮品。🍜金鹤鸡白汤拉面呢款视乎系呢间拉面店嘅招牌。虽然我走葱走笋，但碗拉面上台𠮶阵望落都仲系好靓。虽然唔系拣极浓汤底，但其实呢个已经好浓，饮多几啖都已经会觉得好饱。拉面上面有一条条好似系牛蒡丝嘅野，浸汤几秒咁食，脆脆地甜甜地，几好食。但朋友话佢𠮶碗啲牛蒡丝有啲苦，可能碗碗唔同。仲有两块鸡胸肉同埋一大片叉烧。鸡胸肉完全唔鞋，仲好有鸡味，好好食。叉烧好大片，食落都几香，几好食。🐥唐扬炸鸡张单写三件，我以为会系三粒炸鸡咁，点知原来每件炸鸡都好大件！好抵！炸鸡新鲜炸起热辣辣，鸡肉嫩滑。隔离仲有啲好似柚子盐咁嘅粉可以点，点完好香好好食。推荐！🍢烧黑豚串有两串，每串有三旧。烧得好香，好食。肥瘦相间，一啖食一旧个口感同味道好丰富。总括而言，我觉得呢间嘅鸡胸肉同小食都好出色。汤底都几好。如果下次再黎，可能会试多少少串烧同埋小食。