La Cobi Restaurant & Tapas (已結業)

Open 朋友吹鸡约饭局，一收到餐厅地址，见喺湾仔以为实方便易揾啦，点知望住个地图揾左好耐都未揾到，最后要问啲街坊再行多一个圈先去到。系就难揾左啲，但食物水准确系唔错，呢间系专食西班牙菜，48个月嘅火腿系正，食左两碟都唔记得影相，个人觉得脂肪多啲会好食啲。话就话饭局，但成班人不停系咁饮酒同食小食，就算系主菜都系细细碟，但系不停咁上菜，估佢唔到就冇饭食落肚都可以食得饱。当中推介系烧乳猪，劲嫩口又唔肥，配上清新嘅雪梨酱，我一个人可以食哂一碟（因为一碟只得4旧😅）。P.S. 虽然，系一间西班牙餐厅，但signature嘅「西班牙海鲜饭」，饭面嘅海鲜如果多翻啲就会有更多惊喜。