錦麗 (德福廣場1期)

营业中

休息中

晚餐时间唔知食咩好，谂起附近开左间锦丽，决定一家去试下。打开menu有啲惊讶，汤粉清一色系牛，冇选择下叫左个锦丽综合粉。综合粉有牛丸同生熟牛肉，牛肉唔系肥牛薄片而系一旧旧肉，食落似食牛腩咁，OK。牛丸好重牛骚味，要沾枱上嘅酱先勉强食到。另外汤头太甜，甜到两老一饮就怕，忌甜人士请留意。大虾扎肉米纸卷好多菜，可以补充下蔬菜量，食到底先有虾，足料嘅，但馅料分布平均啲更好。成餐最满意牛油鸡翼，重牛油味，极脆，食紧蒜蓉包咁。