影片
更多
2009-07-02
17 浏览
因为男朋友生日，两个人去左自煮食材食饭当庆祝。间铺头细细地，令人觉得好舒服，我相信起度食饭亦都系一件赏心乐事。睇左个menu好耐，最后决定左叫二人餐。忌廉汤、蕃茄汤：忌廉汤唔似系啲罐头汤，个汤唔会好稀，做得岩岩好，饮落口好滑，味道唔差。蕃茄汤个色水好靓，味道岩岩好，唔会太酸。个人比较钟意忌廉汤，因为真系好好味，有啲惊喜。蒜蓉包：咬落口好脆，好重蒜香味，唔会好咸。可能因为即叫即整，个包热辣辣上枱，所以先会咁脆，呢个一试无妨！烟鸭胸沙律：烟鸭胸有啲咸，只可以话系一般质素，冇乜特别。而个沙律，我食到有薯仔、蜜桃同菠萝。薯仔有啲咸，蜜桃同菠萝都系罐头生果，好普通既一个沙律。酱炒照烧牛扒意粉：牛扒整得好淋，配照烧汁，香香甜甜，几好食，只系唔钟意有芝麻。而个意粉炒得好香，好入味，加埋啲菜同粟米食，更加一流！难得西式食材都整到咁日式，都仲可以咁好味，真系好惊喜！千岛菠萝pizza：一黎到个阵真系呆左，我估唔到系呢种饼底，唔同我地平时个啲。个饼底好重芝士味，完全冇需要加芝士粉，好好奇呢种饼底究竟系乜。而个馅有蕃茄、蘑菇、菠萝、扇贝、粟米etc，蕃茄同其他馅料好格格不入，而扇贝煮得熟过头，唔够软熟。但成
忌廉汤、蕃茄汤：忌廉汤唔似系啲罐头汤，个汤唔会好稀，做得岩岩好，饮落口好滑，味道唔差。蕃茄汤个色水好靓，味道岩岩好，唔会太酸。个人比较钟意忌廉汤，因为真系好好味，有啲惊喜。
蒜蓉包：咬落口好脆，好重蒜香味，唔会好咸。可能因为即叫即整，个包热辣辣上枱，所以先会咁脆，呢个一试无妨！
烟鸭胸沙律：烟鸭胸有啲咸，只可以话系一般质素，冇乜特别。而个沙律，我食到有薯仔、蜜桃同菠萝。薯仔有啲咸，蜜桃同菠萝都系罐头生果，好普通既一个沙律。
酱炒照烧牛扒意粉：牛扒整得好淋，配照烧汁，香香甜甜，几好食，只系唔钟意有芝麻。而个意粉炒得好香，好入味，加埋啲菜同粟米食，更加一流！难得西式食材都整到咁日式，都仲可以咁好味，真系好惊喜！
千岛菠萝pizza：一黎到个阵真系呆左，我估唔到系呢种饼底，唔同我地平时个啲。个饼底好重芝士味，完全冇需要加芝士粉，好好奇呢种饼底究竟系乜。而个馅有蕃茄、蘑菇、菠萝、扇贝、粟米etc，蕃茄同其他馅料好格格不入，而扇贝煮得熟过头，唔够软熟。但成个pizza都唔差，大部份馅料都夹得好好，味道唔错。
芝士蛋糕：好普通，同平时食开既差唔多，但size真系好细，细得惊人。
餐饮：叫左冻咖啡同冻柠水，都系茶餐厅水准，无甚大分别。
另外，员工会依照我地食左几多，先慢慢上菜，唔会一次过上菜，令菜式可以保持热度，未有影响其味道，值得赞扬！最后，呢间铺头设有加一，成餐饭用左$185，平平地都可以食餐咁好既，真系好满足，但份量太多，有啲吃不消。
张贴
