閩味千里香餛飩皇

营业中

休息中

住左咁多年第一次来食，小店门口细细原来都有几多座位，环境就一般。玉米鲜肉小馄饨 $36成碗都系小馄饨望见好满足，虽然细细粒但有廿粒，感觉都几抵食。馄饨皮薄软滑无碱水味，馅肉多非常足料，但食落馄饨馅唔多够味，需醮下豉油增味，好似红油炒手咁食就好美味，一啖一粒啖啖肉口感唔错。韭菜鲜肉煎饺子 ＄36饺子八粒，外皮煎得香脆，饺子唔多饱满，馅料有萝卜丝鲜肉少韮菜少，口感ＯＫ，只欠韮菜味。加面底 $10面质一般还可以，只系汤底无味。灼菜心$12菜心几新鲜，口感柔嫩清脆，无油食白灼食得健康，价钱经济。冻豆浆 $7饮落有豆香系唔够滑，饮到底有Ｄ沙沙地饮到豆渣感觉，隔渣不够切底。