銀座梅林 (已結業)

今日老板放左假我同几个同事专程过海去尖沙咀食个 lunch ！对于系中环返工既我真系冇乜几何。尖沙咀既午餐真系又好食又抵食！搞到我都好想揾份系尖沙咀返既工我地三个同事一人叫左一份午餐炸鸡扒住连鱼生都食埋都系＄100到一个人仲要坐得舒服，服务又OK，最紧要系一D都唔洗同人迫！讲返食野，我留意到佢系门口有个牌话佢地系用日本米、仲系新鲜既日本米。究竟有乜咁巴闭就真系食完就即刻知。食落真系同我系City Super买二百几蚊一袋仔既米冇乜分别。白饭仲系任装对于我依D肥婆来讲真系冇得顶！炸猪扒同炸鸡扒都系就得岩岩好有肉汁又够香口、冇得弹。蒸蛋有少少行货但系以午餐来讲都已经好唔错！个汤都几好饮最衰冇得任添！个鱼生饭就贵左少少啦！虽然鱼生质素非常唔错，但系分量就少左D啦！有乜理由去炸猪扒舖食鱼生咖，仲要贵过猪扒餐一半有多，我位朋友就系咁笨！