夢亞萊泰國餐廳

营业中

休息中

做完猫奴，跟住揾到呢间泰国菜医下肚。之前都有去过洪水桥附近，但系冇留意到有呢一间嘢。啱啱到步已经喺出边烧紧串烧，好似好好食。但系屋企人唔系好肚饿，所以冇嗌到净系嗌咗下面𠮶几样。猪颈肉沙律冇得输，因为都系基本用𠮶啲汁捞出嚟正常表现。个蚝饼望落去好厚粉，以为濑咗嘢，食落去都几松脆，啲蚝肉都好饱满超大粒。另外个青咖喱牛腩都好正，正在个咖喱真系够辣，啲牛腩亦都炆得好腍。唯一小小失望就系个蒜蓉包同埋个椰汁海鲜饭，个蒜蓉包唔够香亦都唔够脆另外个海鲜饭用急冻海鲜同蟹柳就有少少Hea，但系个椰浆底又其实几鲜，因为出边好少咁样整个椰浆焗饭。整体嚟讲都尚算满意坐落都几似去错泰国旅行咁都值得去试嘅。