Gioia by Chi (已搬遷) 新店位置

九月系小魔怪嘅生日月，每年都会为佢哋准备生日蛋糕，今年亦不例外。之前妈咪生日嘅时候，试过 Gioia By Chi 嘅蛋糕，小魔怪都好钟意食，所以今次都谂住嚟呢树订蛋糕。两个小魔怪，一个响10号，一个11号生日，虽然可以订一个蛋糕两姊妹一齐切，但总觉得每人一个蛋糕佢哋会开心啲。Cake shop 嘅 signature cake Fresh Fruit Surprise 系不二之选，而俩姊妹都钟意食朱古力，cake shop 就介绍咗款 Chocolate Fun 俾我。Fresh Fruit Surprise 系拿破仑底，中间夹著吉士忌廉，蛋糕面就舖满咗生果，当中仲有无花果添呀！个拿破仑底超脆，中间嘅吉士忌廉甜度刚刚好，唔好令人觉得太甜。真系食到个个都赞不绝口呀！Chocolate Fun 用咗朱古力脆饼底，跟住就系一层朱古力海绵蛋糕，上面就系焦糖面。整个蛋糕嘅味道配撘恰到好处，唔会太甜或太漏。