村爺爺車仔麵 (已搬遷) 新店位置

之前上Facebook介绍好出名嘅龙虾汤，今日去咗食龙虾汤伊面，咁首先要喺铺头门口嗌𩠌，叫咗个龙虾汤面有龙虾半只咁就要你叫多两个𩠌，叫完先入铺头等食。伊面嘅份量唔错，由个碗嘅size就可以睇到，多过正常份量首先是饮一啖龙虾汤，比较鲜甜冇乜化学嘅味道，都算唔错。至于唯一要批评嘅一点，就系个汤唔够浓郁，比我expect嘅嚟得淡，可能沟左水，咁样我宁愿面同汤嘅份量少啲，咁样客人就可以食到更浓郁嘅味道。只龙虾方面，虾肉比较干身，可能啲精华都落晒碗汤度。至于配菜方面，我就叫咗鱼片头同埋猪红，两者叫不过不失咁啦。卖单就七十几，我谂个定价都比较进取少少，下次未必会考虑。