珍豆漿 (已結業)

平时我对素食一般，但个日行过湾仔见到珍豆浆，觉得不妨一试，因为佢除左有正常饭类，仲有粉面、甜品等选择。既然店名叫珍豆浆，当然要先提一提豆浆。豆浆味浓，有冷热选择。饮落绝对唔甜，但成份表有提及糖份。基本上我认为系相当健康嘅豆浆，似自己整唔落糖个种味道，大部分人都应该啱饮。食物我叫左雪菜素肉丝汤面，马来咖哩雪鱼饭。雪菜素肉丝汤面同街外其实冇咩大分别，多左翠玉瓜同少少菜。汤底冇咩味，非常清淡。如果食惯重口味就未必食惯呢间食肆。另外马来咖哩雪鱼饭，咖哩冇辣味，少少都冇。不但食落冇，闻都冇。雪鱼系用斋造，唔系真的新鲜鱼。加上少量蕃茄、青瓜等伴菜制成。不过成碟饭最好食就系雪鱼。概括讲，我未必会再光顾，因为唔近之余，附近都冇咩地方行街。相信唔少人都会同我一样，钟意食完饭行下街消化下。食物亦冇特别吸引，令我想再食，算系中规中矩。味道偏淡，近乎冇调味。