影片
更多
2018-01-05
799 浏览
呢间餐厅个名「Girlboss」，令我谂起哥哥首歌 - 少女心事 「少女心事 ~ 但愿我亦了解~ 我也能知~」 熟识呢首歌，明显我唔系少女啦! 但系少女心事，我亦了解， 我也能知!!!由入座到落单，用左廿几分钟，点解? 三心两意啰! 单单一个Bossy Royal Set $358就有四十几样野拣，真系唔知拣咩好! 拣野饮又系有四十几样野拣，妈，我好乱呀!! 苦苦思量，终于拣好晒野食，可以嚟个大合照，笑~ 一枱都系食物，好震撼! 隔嚟枱啲Girls一路点餐一路话啲嘢Girl size架咋，点多啲点多啲，我只系叫左一个set，已经好多野喇!个餐唔包野饮，饮品要另外叫的。Opps! Matcha$58 - 大大杯，睇颜色就知抹茶味好浓。够冰冻又甜度适中，本来其貌不扬，加左啲一粒粒粉红色嘅波波，骤眼睇好似仙人掌上面开咗花咁，为沙冰添上色彩。波波味道似棉花糖，口感特别，入口即溶。小国王苹果茶$58 - 壶同杯入面都有青苹果同红苹果果粒，加埋红茶，微甜又好香甜。蟹肉牛油果苹果青瓜沙律 - 细细杯，蟹肉唔多，但有齐牛油果、苹果、青瓜、生菜，开胃沙律。烤大虾田园沙律‧白味噌芥末沙律酱 - 虾够大
由入座到落单，用左廿几分钟，点解? 三心两意啰!
单单一个Bossy Royal Set $358就有四十几样野拣，真系唔知拣咩好! 拣野饮又系有四十几样野拣，妈，我好乱呀!! 苦苦思量，终于拣好晒野食，可以嚟个大合照，笑~ 一枱都系食物，好震撼! 隔嚟枱啲Girls一路点餐一路话啲嘢Girl size架咋，点多啲点多啲，我只系叫左一个set，已经好多野喇!
个餐唔包野饮，饮品要另外叫的。
Opps! Matcha$58 - 大大杯，睇颜色就知抹茶味好浓。够冰冻又甜度适中，本来其貌不扬，加左啲一粒粒粉红色嘅波波，骤眼睇好似仙人掌上面开咗花咁，为沙冰添上色彩。波波味道似棉花糖，口感特别，入口即溶。
小国王苹果茶$58 - 壶同杯入面都有青苹果同红苹果果粒，加埋红茶，微甜又好香甜。
蟹肉牛油果苹果青瓜沙律 - 细细杯，蟹肉唔多，但有齐牛油果、苹果、青瓜、生菜，开胃沙律。
烤大虾田园沙律‧白味噌芥末沙律酱 - 虾够大只，个沙律酱就食唔出有咩特别。
鲜虾米纸卷‧蟹棒米纸卷 - 味道一般，都几大旧，食喺嚟有啲难度，容易散开。Girls个口好细架咋，如果size减半，会更精美更易食。
芝士蟹肉酿蟹盖 - 要加$28升级，蟹盖入面酿满啖啖蟹肉，仲有芝士同洋葱，超级好食!!上面插住鱼仔干片，香脆。
芝士蟹肉酿蟹盖
24 浏览
0 赞好
0 留言
烤蒜蓉牛油龙虾 - 要加$68升级，就有原只龙虾，每天限量供应。龙虾肉爽口弹牙，带少少牛油同蒜蓉香味。不过白色酱汁就食唔出系咩味，唔蘸酱就最好，原汁原味。
海胆忌廉蟹肉意粉 - 呢个意粉好正，用忌廉新鲜打成，一定要趁热食。面头只见到一粒海胆，但入口好creamy，每啖都有浓郁海胆味，必食!
海胆忌廉蟹肉意粉
9 浏览
0 赞好
0 留言
油浸鸭脾鹅肝酱薄饼 - 卖相唔讨好，又只得三片，事实系味道都唔错，可惜我哋留到较后时间先食，冻左了。
餐厅由外到内都用左粉红色做主色，连餐纸都要系粉红色，加上餐具雅致，的确能够俘虏唔少少女心。
餐厅有啲位系圆枱同环状梳化，侧边有啲木条环绕，好似个打开咗嘅雀笼咁，系咪意味著食客可以好似开笼雀咁，一路食一路Girls' talk，鸡啄唔断呢?
食物一次过放上枱系好吸引，但好易冻晒，味道大减，建议三层架可以一次过上枱，但其他食物就最好逐样逐样上，咁会食得从容啲。最后，少女心事你可知? 缺少左最重要一环，就系少女中女都多数钟意嘅甜品，不过问咗店员，得知原来将会推出，好期待~
张贴
