L'attitude (已結業)

《梦幻热气球》$52依款甜品一出餐简直吸睛力爆登，全场望住，见到隔离枱点左，小编少女心大爆发，唔理穷到破产都要跟住点一个试试。🤤呢款甜品上面系一个巨大绵花糖，糖身虽然系粉色，但味道系普通绵花糖味，但胜在有D甜甜酸酸既小莓粒系上面，滞度大减，建议一啖绵花糖+雪糕一齐食🤤底下个雪糕浓朱古力味又滑，正——《8安士美国特级肉眼排》$198牛排点左三成熟，识食一定食三成熟，最食到牛既鲜味，🤤牛排煎得岩岩好，表面轻脆，切开睇刚刚三成左右，粉粉无over cook，牛排质素唔差，肉质唔鞋口但又未去到入口即溶feel，都ok百几蚊可以一战～——《明太子炸软壳蟹忌廉汁意大利面 》$138佢个忌廉汁系激多明太子系入面🤤忌廉味都几重，Creamy既，几挂汁。只软壳蟹就较为失色，炸得唔脆，调味亦不太足够，略淡，份量唔算多，一个人都未必饱肚。—野饮就系好似柠檬汁，颜色靓靓但冇咩惊喜，饮落好普通，柠檬梳打味，细细杯咁，得个睇字。—节日同爱人黎依间高级餐厅就要岩，西餐黎讲唔算超贵，棉花糖同饮品真系好梦幻好靓，最岩情人节同宝宝去。