影片
更多
2018-07-24
232 浏览
去到屯门市中心三楼，一眼望落就有一片粉红色调吸引了眼睛。地方非常好认，岩岩好就系SixtyEight隔离。等位门口仲有三个粉色系气球挂左系度，真系好吸睛。有d美中不足就系佢嘅进餐位置系open area，无荃湾店店内装修咁粉红气氛，对于少女心爆发嘅我有小小失望，但相对会比较适合男士，同埋好似我朋友咁唔太喜爱粉红系嘅女性，压力感无咁大同时又可以轻松进餐。前菜我地分别叫左ShakeShake单骨鸡翼同ShakeShake双重炸薯条。本身ShakeShake单骨鸡翼系拣咗配章鱼烧粉，不过八点去到章鱼烧粉已经卖晒。唯有退而求其次拣咗BBQ粉。首先单骨鸡翼嘅好处，就系唔需要咁辛苦去食两条骨中间啲肉，又唔洗食到成个咀污糟晒，对于好似我同朋友咁嘅懒人来讲简直至爱。炸鸡翼色泽金黄，口感外脆内软，炸到外表香脆嘅同时，锁住啲肉汁系入边。但最好莫过于个BBQ粉，唔好睇个份量好似好少咁，鸡翼沾左少少粉，就已经有好浓郁嘅BBQ味。重点系味道会留系口中，唔会话一入口就去左d味。至于薯条，睇个名完全无办法理解何谓「双重」。上左来见到有两色薯条，本身以为只不过系唔同色素，点知食左落口，一阵香甜嘅番薯味充斥系口入边，原
有d美中不足就系佢嘅进餐位置系open area，无荃湾店店内装修咁粉红气氛，对于少女心爆发嘅我有小小失望，但相对会比较适合男士，同埋好似我朋友咁唔太喜爱粉红系嘅女性，压力感无咁大同时又可以轻松进餐。
前菜我地分别叫左ShakeShake单骨鸡翼同ShakeShake双重炸薯条。
本身ShakeShake单骨鸡翼系拣咗配章鱼烧粉，不过八点去到章鱼烧粉已经卖晒。唯有退而求其次拣咗BBQ粉。首先单骨鸡翼嘅好处，就系唔需要咁辛苦去食两条骨中间啲肉，又唔洗食到成个咀污糟晒，对于好似我同朋友咁嘅懒人来讲简直至爱。炸鸡翼色泽金黄，口感外脆内软，炸到外表香脆嘅同时，锁住啲肉汁系入边。但最好莫过于个BBQ粉，唔好睇个份量好似好少咁，鸡翼沾左少少粉，就已经有好浓郁嘅BBQ味。重点系味道会留系口中，唔会话一入口就去左d味。
至于薯条，睇个名完全无办法理解何谓「双重」。上左来见到有两色薯条，本身以为只不过系唔同色素，点知食左落口，一阵香甜嘅番薯味充斥系口入边，原来橙色个d系番薯味薯条。番薯味薯条味道非常甜同口感较脆，本身甜美也掩盖左芝士波味shakeshake粉，所以唔系好食得岀。相反普通薯条口感就比较似薯蓉，味道唔岀，所以芝士波粉嘅味道就带左岀来，同BBQ粉一样有浓郁嘅味道。
今次同朋友两个叫左个Bossy Royal Set，一开始望住餐单写住前菜同pizza个份量系半份，朋友担心会唔会唔够食，最后都系点住食左先，结果个日食到饱到不能自我。
罗宋汤色泽鲜艳，入口啖啖蕃茄果肉，不过汤嘅味道略为重口，香草都落得比较重手，作为第一个入口嘅菜色较为逊色，容易遮盖后上食物嘅味道。
海鲜拼盘放得非常整齐，有虾、鱿鱼、扇贝同埋生章鱼，另外仲配一碟洋葱醋。生章鱼滑口，配上红色甜甜酸酸嘅汁，非常开胃。其他几款都系配上蒜蓉汁，蒜蓉香味神carry，配搭唔错。
另外我地个两个Pizza＆Burger就点左意式龙虾海鲜薄饼同煎蛋芝士牛肉汉堡窝夫啦。薄饼饼底系薄个种，面头铺左满满既海鲜同汁，感觉似芝士薄饼。牛肉汉堡窝夫极之推介，窝夫落左糖去烤到外脆内软，但唔会好甜。牛肉汉堡7成熟，口感软口又唔会太干身，牛肉味道非常香。最重要系各个汁load埋，味道非常之harmony。但记住，切开蛋黄会更好味！
张贴
