T-Parc (已結業)

黑糖热潮减退，但饮品潮继续，饮品店开到好似便利店咁，梗有一间喺左近，虽然我地都系饮料控，但都唔会再追住黎饮，根本追唔切嘛。中环半山电梯附近呢间T-Parc喺远处已经望到，门面亮眼，透过玻璃隐约见到店内。装潢以花、草为主题，原来系间本地茶饮店。店内有少量空间供客人即场饮用，光猛企理，可见冲泡过程。餐牌选择多，分奶盖茶、奶茶、果茶、苏打、原茶，定价$20-36。部分饮料固定甜度、冰度，带他可以自选。配料有芝士奶盖、珍珠。饮料卖相都几靓，特别系添加花花嘅款式，一路谂我都好挣扎，想点水果茶、又想点奶盖茶。T-parc花花苏打 $34见到店员好认真好细心咁「布置」杯花花苏打，卖相好少女心，就好似一杯无酒精嘅cocktail。面头有玫瑰花、桂花、茉莉花、薄荷叶、迷迭香等，加上蓝莓、切片苹果，闻到好重花果香，加上苏打、细碎冰块制作，饮用前先搅拌，味道熟口熟面，都系甜甜地嘅梳打味，固定甜度。以花味为主嘅饮料好虾人饮，如果唔钟意花味，可能会觉得好药水，呢杯都冇大问题香蕉可可 $30简单嘅香蕉朱古力，不死配搭，朱古力味中庸，唔会腻，不过可能呢条蕉唔系好熟好熟，觉得唔够香，可能我钟意甜野啦，哈。