麻辣派對 (金百利廣場) (已結業)

今日去到铜锣湾嘅金百利广场，难得人少少就上去揾嘢食，最后拣咗呢间装修非常之少女心，成个场地摆满晒花花嘅川菜，好强嘅反差萌。担心太辣，所以一嚟即刻叫杯水果茶，比想像中大杯好多，而且好多生果，饮落去清清哋，唔会太甜。朋友惊热气叫咗罐加多宝。健康啲叫咗蒜香牛油野菌杂菜，一放低嘅时候已经闻到好香牛油味，杂菜有秋葵、椰菜、莴笋等等，食落仲好香蒜味。我哋仲嗌咗个红油火鸡肾做配菜，非常之惹味，除咗鸡肾，仲有花生同青瓜丝，餐厅亦都加咗花生酱，捞埋食一流，仲有啲似担担面。嚟到主菜水煮鱼，食客可以选择用咩鱼，我哋就拣咗比较少见黑鱼，肉质比平日水煮鱼食到嘅鱼结实，但比较多骨，食嘅时候要小心。锅入面仲有蒟蒻、芽菜同河，两个人绝对够食，我仲加咗炸豆腐角，入哂汤味非常好味。朋友仔叫咗碗白饭送水煮鱼，都好惹味。埋单计数，如果唔系口痕叫咗好多小菜应该300有找。