Comma Cafe

营业中

休息中

上次嚟过呢一栋大厦之后，发现原来呢度有好多间楼上Cafe，所以今次就嚟到另一间试吓。打开䢂门就见到呢度有布置得好靓嘅花墙，仲有大大个胡桃夹子俾人用嚟打卡，少女心爆棚。除咗有花墙，每张枱都用花花来做布置，餐具亦用左西式宫廷风，又系用嚟打卡一流。嘢食方面一页可以睇晒，我就叫咗一个森林迷宫，加是日甜品，仲有蓝莓乳酸。森林迷宫就系一个香草什菌白汁烩饭，意大利饭粒粒分明，吸收晒啲白汁，杂菌亦都切得又大件又细细粒，口感多层次，加埋面头嘅香草做点缀。蓝莓乳酸就用咗新鲜嘅蓝莓嚟打成， 非常新鲜。至于是日甜品就系蜂蜜厚多士。厚多士分量十足，真系有成吋咁厚，面包皮焗得够脆，面头仲搽咗一层蜜糖，所以食落甜甜地，加上隔离有自家配制嘅苹果蓉果酱，有苹果粒，搽埋出去旧多士度一齐食，口感十足，推介呢个甜品。呢度落单同埋煮嘢食都系得一个店员负责，真系辛苦晒。