好燒味 (已結業)

烧味其实好多选择，点解要拣呢间呢？原因就系佢嘅外卖盒完全满足咗我嘅少女心，仲可以打卡，真系两全其美。今日就捉埋同事去食，但佢本身拒绝我，因为佢呢排健身，好彩我有朋友食过，同我讲仲有健身餐食嘅。佢就肯同我去食啦。佢叫嘅系鸡胸大只仔餐：有鸡胸，西蓝花，鸡蛋，仲有少少饭。无酱汁。真系好啱健身啲人，高蛋白质同纤维。我就叫咗六宝饭：五宝饭就食得多啦，六宝饭真系无食过啦。望落真系色彩缤纷，好丰富，有烧鹅，叉烧，鸡，烧肉，熏蹄，同半只咸蛋。分量都好多下，样样都有四五旧。我特别中意食佢啲叉烧，不愧是主打，口感松软又juicy。