Joō de Rolls (已結業)

同小学老师约会，我讲嘅约会梗系聚旧啦，老师咁钟意小甜甜，我一于带佢去寻找小甜甜的故事，老师和小甜甜咁甜，一定要食甜嘢，但我明明知道间嘢嘅咸食好味啲，算啦老师话事。第一个系 Fruit de Parfait 水果芭菲， 佢嘅水果系得士多啤梨同芒果， 赢在水果够新鲜同埋够甜，如果唔系就大件事。第二系Candy Churros Combo 肉桂饼干配香芋雪糕， 呢个同个名就大出入， 但系个肉桂饼都几好食，不过就觉得佢油腻啲，但系个香芋雪糕充满雀巢嘅感觉，冇得输。再黎Fruit Churros Bar 杂果饼干跟雪糕， 明明同肉桂饼干系同一样嘢，只不过冇咗玉桂粉，无惊喜。最后到野饮，Yellow Balloon 芒果沙冰同Kyoho Special 巨峰提子特饮， 芒果沙冰都系用芒果就开成，不过胜在冇一粒粒冰粒。至于巨峰提子特饮，我就觉得有惊喜，提子梳打水，最惊喜唔系杯嘢饮，而系杯嘢饮嘅周边。包咗啲好似糖粒嘅东西揸上手好得意，不过记得要洗手。见到老师揾到咁多少甜甜嘅回忆我真系为佢好高兴。