影片
更多
2020-10-03
300 浏览
之前见到相已经心心念念想去食嘅一间cafe，一行多人，当日打电话去Book左位。去到门口已经少女心大爆发，好多花花草草嘅摆设，加上门口玻璃窗设计，望到其他食客枱面上嘅野食已经急不及待。但铺头入面座位唔多，所以都等左一阵。晚餐时间叫左几个set，所以有餐汤跟－忌廉汤，味道不错，个碗嘅外型好可爱。餐牌入面好多有玫瑰花嘅食品，当然要试下啦。玫瑰花梳打 ($38)见到好多人都有叫，一定要试下。玫瑰花、火烈鸟饮管，再配上圆碌碌嘅杯，净喺外观已经俘虏左我个心，饮落香香甜甜仲有梳打嘅清新，非常爽快。玫瑰花茶 ($48)继续都喺玫瑰花系列，不过呢杯喺热饮，岩哂养生人生。同样配上玫瑰花装饰，好养眼。一壶玫瑰花茶，蜜糖另上，甜度可以自己调节。草莓乳酪冰沙 ($56)粉粉嫩嫩嘅草莓乳酪冰沙，夏天饮好凉快，不过草莓味唔算好浓。玫瑰酱爆谷鸡 ($52)见玫瑰酱咁有特色，就试下呢个小食。好香脆嘅炸鸡粒，本身鸡粒味道唔会好浓，所以配埋玫瑰酱岩岩好。玫瑰酱有啲似沙律酱，但有少少甜味，非常特别，果然喺少女嘅美食，连个酱汁都咁精美。脆薯饼配黑松露酱 ($38)早餐薯饼，我晚餐都要食！薯饼本身已经炸得金黄香脆，咬落软绵绵，
晚餐时间叫左几个set，所以有餐汤跟－忌廉汤，味道不错，个碗嘅外型好可爱。
餐牌入面好多有玫瑰花嘅食品，当然要试下啦。
玫瑰花梳打 ($38)
见到好多人都有叫，一定要试下。玫瑰花、火烈鸟饮管，再配上圆碌碌嘅杯，净喺外观已经俘虏左我个心，饮落香香甜甜仲有梳打嘅清新，非常爽快。
玫瑰花茶 ($48)
继续都喺玫瑰花系列，不过呢杯喺热饮，岩哂养生人生。同样配上玫瑰花装饰，好养眼。一壶玫瑰花茶，蜜糖另上，甜度可以自己调节。
草莓乳酪冰沙 ($56)
粉粉嫩嫩嘅草莓乳酪冰沙，夏天饮好凉快，不过草莓味唔算好浓。
玫瑰酱爆谷鸡 ($52)
见玫瑰酱咁有特色，就试下呢个小食。好香脆嘅炸鸡粒，本身鸡粒味道唔会好浓，所以配埋玫瑰酱岩岩好。玫瑰酱有啲似沙律酱，但有少少甜味，非常特别，果然喺少女嘅美食，连个酱汁都咁精美。
脆薯饼配黑松露酱 ($38)
早餐薯饼，我晚餐都要食！薯饼本身已经炸得金黄香脆，咬落软绵绵，夹起嘅时候要小心会散开。配上黑松露酱，听落平平无奇嘅薯饼引发出独特嘅味道，好有惊喜。
试完饮品同小食之后，就开始食主菜啦！
黑松露香煎比目鱼松子仁炖饭 ($148)
香喷喷黑松露配上煎得非常香脆嘅比目鱼，简直喺食指大动。条比目鱼切片横跨成只碟，好夸张，同中间嘅松子仁炖饭相映成趣，比目鱼嘅份量睇落更似主食。闻落好香黑松露味，反而食落又唔算好浓味，岩岩好。比目鱼咬落啖啖肉，唔会煎得好干、肉质细腻。炖饭入面加左松子仁，除左闻落有果仁既香味之外，咬落仲有少少爽口，好特别。
香蒜忌廉汁烤鸡烩扁意粉 ($138)
闻到香蒜汁嘅香味已经流哂口水，烤鸡、杂菌同扁意粉都挂满酱汁，每条意粉都食到香蒜同忌廉汁嘅味道，有香蒜嘅惹味，又有忌廉汁既滑腻，味道一百分。不过可能烤鸡烤得太熟，咬落有少少硬。而份量方面，相比起烤鸡同杂菌，意粉嘅份量就相对比较少，不过少女嘅胃口又点可以咁大呢？
香草忌廉三文鱼意粉 ($128)
同样精美嘅意粉，碟上仲用三文鱼砌成玫瑰花形状，真喺好唔舍得食。三文鱼好浓味而且份量好足，忌廉味唔算好浓郁，不过食落都好香滑。
BLT豚肉竹碳汉堡 ($118)
黑色嘅汉堡代表住一种态度！虽然竹碳汉堡同平时嘅汉堡口感差唔多，不过食落就觉得自己特别型格。汉堡夹住超厚豚肉扒、烟肉、蕃茄、生菜，所有配料加埋超级厚，好难相信一啖可以咬到哂，更何况呢一刻嘅我咁型格，慢慢食再话你知。豚肉扒咬落好嫩滑，厚身嘅汉堡肉扒食落总有一种特别满足嘅感觉，忍唔住内心呐喊「我要食十个！」然后默默偷食侧边嘅薯条，喺比较厚身嘅薯条，一定要衬热食，因为薯条摊哂喺块板到特别易冻，冻左就冇咬落热辣辣、暖笠笠嘅薯仔口感。
嚟到全晚最重要嘅环节，就喺食甜品啦！相信好多少女都喺因为呢到嘅甜品慕名而来，我都系！
士多啤梨班戟 ($108)
打卡必点士多啤梨班戟，见到士多啤梨同班戟玩层层叠都玩得咁精致就唔舍得食，碟边仲有士多啤梨酱点缀好有心思，一定要喺铺入面嘅打卡位同佢地影番几张靓相先得。班戟食落非常松软，不过士多啤梨就唔喺好甜，适合夹埋中间嘅 cream 一齐食。
梳乎厘班戟 ($98)
近期大爱梳乎厘班戟，每次谂起都回想紧果份美味。三块超级松软嘅梳乎厘班戟，好似郁一郁只碟佢地都会震一震咁，好想掂下佢地。食落超级软滑，每块都好圆好厚，真系唔简单。我个人就钟意食原汁原味，友人就钟意加埋蜜糖一齐食，少女都是比较喜欢吃甜的。伴碟仲有几粒杏仁，连甜品都食埋到尾声，满足到大家都忍唔住一路咬住杏仁一路 move 呀！
张贴
