咖啡灣 (已結業)

今日都系要入将军澳做嘢，三十几度出街好似焗炉咁冇乜胃口，但系又攰又口渴，揾个地方坐低饮杯嘢食少少野先至继续做，之前行过新都城成日见到有一间好少女系嘅餐厅，座位宽躺舒适， 一直都好想试，今日就去试试，一入去见到有人食紧爆趣蜜糖芝士炸鸡配薯条沙律，好似好好食咁，我就跟住叫咗一个，另外叫咗一杯热带森林水果茶，望吓环境见到有啲一家大细，有啲两个人闺蜜聚会，感觉好悠闲⋯⋯热辣辣香喷喷嘅薯条炸鸡出现啦，望下只碟一啲都唔油，口感松脆，鸡肉好juicy, 话咁快就清左只碟，水果茶入面有一粒粒嘅士多啤梨，有得饮有得食，食完士多啤梨个人都精神啲。