上海小南國 (MegaBox)

营业中

休息中

无啦啦两口子黎左呢个场度行, 于是乎顺势喺度揾下野食啦, 由于师傅从来都喺呢度食过野, 所以左拣右拣, 拣左好耐最后都系决定黎呢间食店, 贪佢系集团经营!去到门口见冇咩人, 于是登记攞枱, 好好彩唔使等位可以直入! 一座低即刻睇下有咩好食先, 最后经过商量, 两个人决定柯打招牌小笼包, 担担面同埋外婆红烧肉!最先到嘅系招牌小笼包, 一笼有五只, 皮就厚左少少, 但内里嘅汤就绝鲜甜, 而肉味又几香, 都算几好味; 担担面嘅汤底就一般啦, 麻酱就几香不过就一d都唔辣, 反而冇左担担面嘅风味, 而面质就唔算太硬, 但亦唔觉有咩特别, 普普通通咁啦; 外婆红烧肉系因为个名咁特别, 所以师傅决定一试, 原来系d猪腩肉, 猪腩肉炆得好腍, 而且够香又够肥, 但就一d都唔腻, 送饭一流, 正呀!总括黎讲食物质素算系中上, 但并非十分突出, 而价钱就几贵, 唔算抵食, 不过环境都几好, 而服务都几殷勤; 师傅觉得如果以上几道菜式系绝对有进步空间, 其他食物就不得而知, 但对师傅黎讲呢个晚餐确实系有少少失望! 状元楼就一d都唔觉似状元咁厉害, 相信短期内都未必会再黎!