日升美食店

营业中

休息中

有段时间在社交平台经常见到人介绍呢间铺， follow咗店主社交平台一段时间，觉得店主状态几亲切，卖力，而女友又突然想食小菜，而店主刚好又在社交平台见到店主讲伤后复出，决定一试。两个人叫咗三样嘢， 半只炸子鸡，羊腩饭，椒盐九吐鱼。椒盐九吐鱼最好食，炸得好，肉嫩，调味佳。羊腩饭90蚊跟羊汤， 本来几抵嘅，但唔知系唔系我地饮唔惯， 胡椒太重手，去到苦嘅程度，试饮两下，两个人都觉得有想呕嘅感觉，好难入口，所以放弃咗个汤。羊腩唔错，跟支竹冬菇同笋，加埋个腐乳汁一齐食，捞埋饭一流。半只炸子鸡有d失望嘅， 无谂过鸡肉系咸鸡，感觉系腌咗太耐，肉少少太实，虽未至于柴，有D位好咸，唔怪得上枱时话唔需要点汁调味。望隔离枱又好似唔同样，可能手气唔好。喜力大支装卖22蚊一支，好抵，叫左两支。埋单430, 其他算正常，但因为有两样嘢食觉得麻麻，所以变咗个心觉得贵咗少少。