Espuma (H8) (已易手) 新餐厅

同好朋友庆祝生日，谂住揾一间decent既餐厅，可以享受食物之余又可以舒服咁倾计，始终随住大家愈黎愈忙，可以一齐食饭既时间已经买少见少。见Espuma咁多人话唔错，就试下啦!!Churros 西班牙油条完全揾笨!!$48得四条，而且味道似沙翁，极唔正宗。呢个西班牙油条同正宗最大分别系choco酱，正宗系会thick d creamy d，会比较似 belgium dark chocolate，不过唔系nutella，suppose点完之后仲可以饮埋杯朱古力......热水果茶，自己比较嗜热既饮品。但呢个水果茶当不停加热时，会产生苦味同涩味，同想象中既清甜有颇大分别。西班牙海鲜炒饭铺系面头上有青囗、大虾，饭系用茄汁去炒，入面仲有蕃茄碎同辣肉肠。以main course 黎计，呢个份量系食两啖就无哂，而且海鲜比我想象中少好多。草莓蜜桃沙冰同芒果沙冰味道真系唔错, 有浓郁既水果味，而且沙冰既凉爽感觉好正喔。系甜左少少，如果唔嗜甜既朋友可以叫少甜喔。呢度既服务相当麻麻，明明当晚无乜人，但系净系叫侍应加水都系叫好几次先到，而且上菜上得好慢好慢。